රනිල් වික්රමසිංහ ආණ්ඩුවට තිබෙන ‘රාජපක්ෂවරුන්ගේ සම්බන්ධතා’ හේතුවෙන් ශ්රී ලංකාව තවදුරටත් දේශපාලන අවදානමකට මුහුණ දී සිටින බව පැවසෙනවා. මේ බව සඳහන් කරන්නේ ලොව ප්රධානතම ණය ශ්රේණිගත කිරීමේ ආයතන ත්රිත්වයෙන් එකක් වන ෆිච් රේටිංග්ස් (Fitch Ratings) ආයතනය යි.
ශ්රී ලංකාවේ වත්මන් දේශපාලන සහ ආර්ථික තත්ත්වය පිළිබඳව විශේෂ වාර්තාවක් නිකුත් කරමින් එම ආයතනය මේ බව පවසනවා.
“නව ජනාධිපතිවරයා පාර්ලිමේන්තුවේ බහුතරයක් ලබාගෙන ඇති අතර ඔහුගේ ආණ්ඩුව විපක්ෂයේ ඇතැම් සාමාජිකයන්ගේද සහයෝගය ලබාගෙන ඇත. සාර්ව ආර්ථික ස්ථාවරත්වය සහ ණය ප්රතිෂ්ඨාපනය කිරීම සඳහා සිදුකළ යුතු ආර්ථික ස්ථායීකරණය වලදී මෙම බහුතර බලය මගින් යම් සහයෝගයක් ලැබෙනු ඇතැයි අපේක්ෂා කළ හැකිය.
එහෙත් රාජපක්ෂ පවුල් පාලනය විරෝධය පාමින් ඔවුන් උද්ඝෝෂණ කර පලවා හැරියද එලෙස බලයෙන් පහ කරන ලද රාජපක්ෂ පවුල සමඟ වත්මන් ආණ්ඩුව සම්බන්ධ වීම හේතු කොටගෙන පරිපාලනයට ඇත්තේ අඩු මහජන සහයෝගයක්” බව ෆිච් රේටිංග්ස් පෙන්වාදෙනවා.
මේ හේතුවෙන් දේශපාලන ස්ථාවරභාවයක් ගොඩ නගා ගැනීම යාම අපහසු බවත්, ඒ නිසා ආර්ථික ස්ථාවරත්වයකට මග නොපාදන බවද එම ආයතනයේ අදහසයි. “පාර්ලිමේන්තුවේ සහ ආණ්ඩුවේ ආධිපත්යය දරන්නේ රාජපක්ෂ පවුලට සමීපව දේශපාලනඥයන් විසිනි.’’ යැයි ෆිච් රේටිංග්ස් නිකුත් කළ වාර්තාවේ සඳහන්.
