සමගි ජන බලවේගයේ ජ්යෙෂ්ඨ නියොජ්ය සභාපති රාජිත සේනාරත්න මහතා නිකුත් කල මාධ්ය නිවේදනයක දැක්වෙන්නේ අරගලයට පහර දීමට පැමිණී පිරිස් වහා අත්අඩංගුවට ගෙන නීතිය ක්රියාත්මක කරන ලෙසය.
එහි මෙසේද දැක්වේ.
පසුගිය දා මයිනාගෝගම සහ ගොඨාගෝගම විරෝධතාවයේ නියලි නිරායුධ පිරිසට එල්ල කල රාජ්ය අනුග්රහය ලද මැර ප්රහාරයට දායක වුවන්ට එරෙහිව කිසිඳු නීතිමය පියවරක් ගැනිමට ආණ්ඩුව අපොහොසත් වී තිබේ .
එසේ තිබියදී ප්රහාරයට ලක්වුවනගේ ප්රතිවිරෝධය නිරික්ෂණය කරමින් අරගලයේ තරුණ පිරිස දඩයම් කිරිමට ආණ්ඩුව පියවර ගැනිම බරපතළ ගැටලුවකි .
අරලියගහ මන්දිරයේ පැවැති රැස්වීමේදී එයට සහභාගිවුවන් ප්රකෝපවන ලෙස පැවැත්වූ කතාවන් මාධ්ය තුළ පලවිය. ඉන් පසු එම පිරිස් දඩු, මුගුරු සහිතව මහමග ගමන් ගන්නා අකාරයත්, එය වැලැක්වීමට පොලිසිය කිසිඳු පියවරක් නොගන්නා අකාරයත් පැහැදිලිවම මාධ්ය වාර්තා කර තිබේ. එය වැලැක්වීමට කටයුතු කරන ලෙස පොලිසියන් ඉල්ලන දර්ශන පවා පැහැදිලිවම දකිනට ලැබුනි.
ආණ්ඩුවේ ඇමතිවරයකු පොලිසියේ උසස් නිලධාරියකු දාමරිකයන් අතර සිටින ආකාරයද හෙලි වී ඇත.
මේ කිසිවකට පියවර නොගන්නා ආණ්ඩුව පිඩාවට පත් පිරිස මතම නිතියට මුවාවි සිදුකරන මර්දනය වහාම නතර කොට අපක්ෂපාතී. පරික්ෂණයක් සදහා ස්වාධීන කොමිසමක් හෝ විනිසුරුවෙක් පත් කරන ලෙස ඉල්ලා සිටිමු .
එසේ නොකොට දිගින් දිගටම ආණ්ඩුව ජනතාව මර්දනය කිරීමට උත්සාහ දරන්නේ නම් එයට එරෙහිව සියලුම දේශපාලන පක්ෂ වෘත්තීය සමිති සිවිල් සංවිධාන සමග දැඩි අරගලයකට අවතිර්ණ වන බවද අවධාරණය කරමු.
