අද පෙරවරුවේ අරලිය ගහ මන්දිරයේ පැවති පක්ෂයේ බිම්මට්ටම නියෝජනය කරන හිටපු පළාත් සභා මන්ත්රීවරුන්ගේ සංසදය සමග පැවැති රැස්වීමේදී පැමිණ සිටි අතිබහුතරයක් දෙනා අගමැති මහින්ද රාජපක්ෂ මහතා හට තනතුරෙන් ඉවත් නොවන ලෙස දැනුම් දීම පියවර ගෙන ඇත.
එම යෝජනාව ලිඛිතවම ජනාධිපතිවරයා වෙත දැනුම් දීමටද මෙම පිරිස අද තීන්දු කර ඇති බව දැනගන්නට තිබේ.
කෙසේවෙතත් සිය කතාව කරමින් අගමැතිවරයාද ප්රකාශ කොට ඇත්තේ මෙතැනට පැමිණ සිටින්නේ පක්ෂයේ බිම් මට්ටම බවත්, බිම් මට්ටමේ මතයට හිස නමමින් තමන් තවදුරටත් අගමැති තනතුරේ රැදී සිටීමට සූදානම් බවත්ය.
එමෙන්ම තමන්ට එරෙහිව විශ්වාසභංගයක් ඉදිරිපත් වුවහොත් ඊට තමන් මුහුණ දීමට සූදානම් බව කියා සිටි අගමැතිවරයා එහි ප්රතිපලය කුමක් වුවත් එය ප්රජාතන්ත්රවාදීව බාරගැනීමට තමන් සූදානම් බවද කියා තිබේ.
මීට පෙර නාමල් රාජපක්ෂ මහතා විසින් ඉකුත් 18 වන දින මෙම රැස්වීම කැදවා තිබුණද ඒ වනවිට රට තුළ පැවැති තත්ත්වය මත එය අවලංගු කිරීමට අවසන් මොහොතේ පියවර ගෙන තිබිණ.
