සූම් තාක්ෂණය ඔස්සේ ඊයේ දිනයේදී කැබිනට් මණ්ඩලය රැස්වී ඇති අතර ඉන්ධන සහ විදුලි අර්බුදය පිළිබඳව එහිදී දීර්ඝ වශයෙන් සාකච්ඡා වී තිබේ.
රටතුළ පවතින ඉන්ධන සහ විදුලි අර්බුදයට විසදුම් වශයෙන් යෝජනාවලියක් බලශක්ති අමාත්ය උදය ගම්මන්පිල මහතා විසින් කැබිනට් මණ්ඩලයට ඉදිරිපත් කර තිබේ.
එම යෝජනාවලියට ඉන්ධන මිල සූත්රයක් හඳුන්වාදීම, රථ වාහන තදබදය අවම කිරීම සඳහා කාර්යාලීය වේලාවන්වල සංශෝධනය කිරීම, රාජ්ය ආයතනවල පැවැත්වෙන සාකච්ඡා සූම් තාක්ෂණය ඔස්සේ පැවැත්වීම ඇතුළු කරුණු රැසක් ඇතුළත්කර ඇති බව වාර්තා වේ.
එහෙත් ඒ සම්බන්ධයෙන් අවසන් තීරණයක් නොගැනුණු බව රජයේ ජ්යෙෂ්ඨ අමාත්යවරයෙක් සදහන් කළේය.
මේ අතර විදුලි බල මණ්ඩලයට අවශ්ය ඉන්ධන සෘජුවම මිලදීගැනීම සඳහා වූ යෝජනාවක් ද ඊයේ කැබිනට් මණ්ඩලයට ඉදිරිපත් වී තිබේ.
මුදල් අමාත්ය බැසිල් රාජපක්ෂ මහතා විසින් අදාළ යෝජනාව ඉදිරිපත් කර ඇති බව වාර්තා විය.
විදුලි බල මණ්ඩලයට අයත් ඉන්ධන මෙතෙක් ඛනිජ තෙල් සංස්ථාවෙන් මිලදීගැනීම සිදුකළ අතර නව යෝජනාවට අනුව විදුලි බල මණ්ඩලය විසින් ඉන්ධන ආනයනය කිරීමට නියමිතව ඇත.
