කොටසකට පළමු පංතියේ සැලකිල්ලත්, තව කොටසකට දෙවැනි තුන්වැනි පන්තියේ සැලකිල්ලක් ලබාදීමේ ක්රමවේදය සහමුලින් වෙනස් කොට සියලු පුරවැසියන්ට සමතැනක තබා සැලකීමේ ක්රමවේදයට රට යොමු කරන්නට සමගි ජන බලවේගය කටයුතු කරන බව විපක්ෂනායක විපක්ෂ නායක සජිත් ප්රේමදාස මහතා පැවසීය.
වත්මන් ආණ්ඩුව හමුවේ රටේ මෙන්ම උතුරේ වසන්තයත්, උතුරේ පරිහානිය බවට පත්ව ඇතැයි ද් විපක්ෂ නායකතුමා කීය. ඒ මහතා මේ බව පැවසුවේ තිරුනගර් හි පැවති ජන හමුවකට එක් වෙමිනි.
මේ ආණ්ඩුව කරපු එකම දේ ජනතාව භේදභින්න කරලා තමන් රජ වීම බවත්, ආණ්ඩුව පෝලිම් යුගය නැවතත් රටේ ජනතාවට උදා කර ඇති බවත් ඒ මහතා පැවසීය. රට වැටී ඇති මහා ප්රපාතයෙන් ගොඩ ගන්නට සමගි ජනබලවේගයට හැකියාව තියෙන බව පැවසූ විපක්ෂ නායකතුමා නිපුණතාවයෙන්, දක්ෂතාවයෙන්, කුසලතාවයෙන් හෙබි දක්ෂ කණ්ඩායමක් තමන් සමග සිටින බවත් කීය. මේ රට ගොඩ ගැනීමේ දැවැන්ත මෙහෙවර, ජනතාවට ආත්ම ගරුත්වයෙන් නිදහසේ ජීවත්විය හැකි යුගයක්, ප්රජාත්රන්ත්රවාදය රජ යන පොදුජන යුගයක් උදෙසා සමගි ජන බලවේගය සමග ඒකරාශී වන ලෙස ඉල්ලා සිටින බවද හෙතෙම පැවසීය.
