අගමැති මහින්ද රාජපක්ෂ මහතා හා ආණ්ඩුවේ පොහොට්ටුව පමණක් නියෝජනය කරන මැතිඇමැතිවරුන් අතර ඊයේ සවස විශේෂ සාකච්ජාවක් පැවැත්විණ.
මෙම සාකච්ජාවට අගමැතිවරයාට අමතරව මුදල් අමාත්ය බැසිල් රාජපක්ෂ මහතාද සහභාගීව සිටිනු දැකගත හැකිවිය.
සවස 6ට පමණ අරලිය ගහ මන්දිරයේදී ආරම්භ වූ සාකච්ජාව මධ්යම රාත්රිය දක්වාම පැවැත්වී ඇති අතර අගමැතිවරයා විසින් පැමිණ සිටි සියලුම දෙනාට රාත්රී භෝජන සංග්රහයක්ද පිරිනැමීමට පියවර ගෙන තිබිණ.
මෙහිදී පොහොට්ටුවේ පසුපෙළ මන්ත්රීවරුන් 15 දෙනකු පමණ තමන්ට ඇති ප්රශ්න අගමැතිවරයාගේත්, බැසිල් රාජපක්ෂ මහතාගේත් අවධානයට යොමු කිරීමට පියවර ගෙන තිබිණ.
කෙසේවෙතත් මෙහිදී වැදගත්ම සිදුවීම වී ඇත්තේ බැසිල් රාජපක්ෂ මහතා විනාඩි 40ක පමණ කතාවක් සිදුකිරීමය.
එහිදී බැසිල් රාජපක්ෂ මහතා පවසා ඇත්තේ ආණ්ඩුවේම අනෙකුත් පාර්ශ්ව තමන්ට දොස් පැවරුවත් පෙරළා තමන් එසේ නොකරන බවත්, සමගියෙන් සියලු දෙනාම ඉදිරියට යාම අත්යවශ්ය බවත්ය.
තමන් තවමත් උසාවි යන වාරයක් පාසා අතීත සිදුවීම් සියල්ලම මතක් වුවද ඒ සියල්ලම තමන් අමතක කර ඇති බවද රාජපක්ෂ මහතා පෙන්වා දුන්නේය.
එමනිසා සියලු පක්ෂ සමගියෙන් ඉදිරියට යා යුතු බවද මුදල් අමාත්යවරයා පිරීසට සදහන් කර සිටියේය.
එමෙන්ම සංවර්ධනය කළ පමණින් ජන්ද ජයග්රහණය කළ නොහැකි බවද පෙන්වා දී ඇති බැසිල් රාජපක්ෂ මහතා එසේ නම් 2015දී මහින්ද රාජපක්ෂ මහතා නැවත ජයග්රහණය කළ යුතු බවද කියා සිටියේය.
කෙසේවෙතත් මෙම රැස්වීමේදී ගීතා කුමාරසිංහ මහත්මිය පමණක් තමන්ට අමාත්ය ධූරයක් හිමි නොවීම සම්බන්ධයෙන් කනස්සල්ලෙන් යුතුව අදහස් දක්වා ඇති බව වාර්තා වේ.
පසුව ඇය රාත්රී භෝජන සංග්රහයට හෝ නොසිට පිටව ගොස් ඇති බවද දැනගන්නට ඇත.
