ඉකුත් දින කිහිපයේදී ඉන්දියාවේ සංචාරයක නිරත වුණු මුදල් අමාත්ය බැසිල් රාජපක්ෂ මහතා හමුවීමට වේලාවක් නොදුන් ඉන්දීය අගමැති නරේන්ද්ර මෝඩි මහතා දෙමළ ජාතික සන්ධානයේ නායක ආර්. සම්බන්ධන් මහතා මුණගැසීමට වේලාව ලබා දී ඇති බව වාර්තා වේ.
ඒ අනුව ලබන සතියේදී සාකච්ජා සදහා නවදිල්ලියට පැමිණෙන ලෙස දෙමළ ජාතික සන්ධානයට දැනුම් දීමට ඉන්දීය අගමැතිවරයා පියවර ගෙන ඇත.
නමුත් එම දැනුම් දීමෙන් අනතුරුව සම්බන්ධන් මහතා විමසා ඇත්තේ ලබන සතියේ සිය දූත කණ්ඩායමේ නියෝජිතයකු වන සුරේෂ් ප්රේමචන්ද්රන් මහතාගේ පුතණුවන්ගේ විවාහ උත්සවය පැවැත්වීමට නියමිත බැවින් අදාළ හමුව සතියකින් කල් දැමීමට හැකිද යන්න කියාය.
ඊට එකගතාව පළ කොට ඇති ඉන්දීය අගමැතිවරයා දෙමළ ජාතික සන්ධානයේ නියෝජිතයන් හමුවීම සතියකින් කල් දැමීමට පියවර ගෙන ඇති බවද දැනගන්නට තිබේ.
ඒ අනුව තවත් දෙසතියකින් මෙම හමුව පැවැත්වීමට නියමිත අතර එහිදී ලංකාව සම්බන්ධයෙන් තීරණාත්මක මාතෘකා රැසක් සාකච්ජා කිරීමට නියමිත බව දේශපාලන ආරංචි මාර්ග සදහන් කරයි.
මේ අතර සුරේෂ් ප්රේමචන්ද්රන් මහතාගේ පුතණුවන් විවාහ වීමට සූදානමින් සිටින්නේ ඝාතනයට ලක්වූ ද්රවිඩ පාර්ලිමේන්තු මන්ත්රී නඩරාජා රවිරාජ් මහතාගේ දියණිය බවද දැනගන්නට ඇත.
