නිවාස සෑදීමට සමාගමකට ලබා දී තිබියදී,ජාතික නිවාස සංවර්ධන අධිකාරියේ සභාපතිවරයා ඇතුළු බලධාරීන්ගේ උපදෙස් මත පවරා ගත් කොළඹ 10 , ඩාර්ලි පාරේ ඉඩම සම්බන්ධයෙන් කිසිදු ඉදිරි පියවරක් නොගෙන, පවතින තත්ත්වයෙන්ම පවත්වා ගෙන යන්නැයි ශ්රේෂ්ඨාධිකරණය අද එම අධිකාරිය වෙත අතුරු නියෝගයක් නිකුත් කළේය.
අඩු ආදායම්ලාභීන්ට නිවාස සෑදීමේ ව්යාපෘතියක් සදහා අමාත්ය මණ්ඩල තීරණයකට අනුව පෞද්ගලික සමාගමකට ලබා දී තිබූ කොළඹ, ඩාර්ලි පාරේ පිහිටි ඉඩමක් ජාතික නිවාස සංවර්ධන අධිකාරියේ සභාපති ආර්.දුමින්ද සිල්වා මහතා ඇතුළු බලධාරීන්ගේ උපදෙස් මත පවරා ගැනීමට එරෙහිව අදාළ පෞද්ගලික සමාගම ගොනුකල මූලික අයිතිවාසිකම් පෙත්සමක් විභාගයට ගැනීමට අවසර ලබා දෙමින් අධිකරණය මෙම අතුරු නියෝගය නිකුත් කෙරිණි.
මෙම ඉඩම් අත්පත් කර ගැනීම නීත්යානුකූල ආකාරයට සිදුවී තිබේද යන්න පරීක්ෂා කිරීම ශ්රේෂ්ඨාධිකරණයට පැවරී තිබෙන නීතිමය කාර්යය යැයි බවට ප්රකාශ කරමින් අධිකරණය එම මූලික අයිතිවාසිකම් පෙත්සම පෙබරවාරි 02 වැනිදා විභාගයට ගැනීමට ද දින නියම කෙරිණි.
අගවිනිසුරු ජයන්ත ජයසූරිය මහතා සහ ගාමිණී අමරසේකර , ඒ.එච්.එම්.ඩී. නවාස් යන මහත්වරුන්ගෙන් සමන්විත ත්රිපුද්ගල ශ්රේෂ්ඨාධිකරණ විනිසුරු මඩුල්ල හමුවේ මෙම පෙත්සම ඊයේ 18) සලකා බැලිණි.
”ඕක් ස්ට්රීට් ” නැමැති පෞද්ගලික සමාගම ගොනු කරනු ලැබූ මෙම මූලික අයිතිවාසිකම් පෙත්සමේ වගඋත්තරකරුවන් ලෙස ජාතික නිවාස සංවර්ධන අධිකාරිය , එහි සභාපති , එහි අධ්යක්ෂක මණ්ඩලය ඇතුළු පිරිසක් නම් කරනු ලැබ සිටිති.
පෙත්සම කැඳවූ අවස්ථාවේදී පෙත්සම්කාර පෞද්ගලික සමාගම වෙනුවෙන් පෙනී සිටි ජනාධිපති නීතිඥ නවීන් මාරපන මහතා කියා සිටියේ මෙම ඉඩම ලබා ගනු ලැබුවේ කැබිනට් මණ්ඩලයේ අනුමැතිය සහිතව ලබා ගත් බවය.
මීට පෙර මව්රට වෙබ් අඩවිය මෙම පුවත මුල්වරට පළකළේ මෙසේය.
විදේශ ආයෝජකයෙක්ට අයත් කොළඹ පර්චස් 214ක් ආණ්ඩුවේ නිලධාරිනුයි-මරදාන පොලිසියයි මහදවල් බලෙන් අල්ලගෙන! ඇමැතිවරයෙකුත් ගෑවිලා? උසාවි නියෝගයක්වත් නෑ!
කොළඹ ඩී.ආර්. විජේවර්ධන මාවතේ පිහිටි පර්චස් 214ක කෝටි ගණනක් වටිනා ඉඩමක් ජාතික නිවාස සංවර්ධන අධිකාරියේ නිලධාරීන් පිරිසක් මරදාන පොලිසියේ නිලධාරීන් පිරිසක් කැටුව ගොස් බලහත්කාරයෙන් අත්පත් කරගෙන ඇති පුවතක් වාර්තා වේ.
ඊයේ (19) පෙරවරුවේ මෙම සිදුවීම සිදුව ඇති බව දැනගන්නට ඇත.
මෙම ඉඩම 2006 වසරේදී එවකට මහින්ද රාජපක්ෂ රජයේ නිවාස ඇමැතිනිය වශයෙන් කටයුතු කළ ෆේරියල් අශ්රොෆ් මහත්මිය විසින් සුභෝපභෝගී මහල් නිවාස ව්යාපෘතියක් ඉදිකිරීම සදහා කැබිනට් පත්රිකාවක් මගින් විදේශ ආයෝජකයෙකුට ලබා දී තිබූ එකක් වන අතර එහි විදේශ ආයෝජනය ව්යාපෘතියෙන් 70%කි.
නමුත් මෙම ආයෝජන ව්යාපෘතිය ඒ කාලය තුළ ආරම්භ වී නැත.
පසුව 2010 වසරේදී නිවාස අමාත්යවරයා වශයෙන් කටයුතු කළ විමල් වීරවංශ මහතා නැවත කැබිනට් පත්රිකාවක් ඉදිරිපත් කරමින් මෙම ඉඩම ආයෝජකයකු යටතට පත් කිරීමට අවසර ඉල්ලා තිබිණ.ඊටද අමාත්ය මණ්ඩල අනුමැතිය ලබාදීමට අමාත්ය මණ්ඩලය පියවර ගෙන තිබිණ.
පසුව යහපාලන ආණ්ඩු සමයේ නිවාස අමාත්යවරයා වශයෙන් කටයුතු කළ සජිත් ප්රේමදාස මහතා මෙම ව්යාපෘතියෙන් ආණ්ඩුවට ලැබීමට නියමිතව තිබූ හිග මුදල් පවා ඉන්දීය තානාපති කාර්යාලයේ මැදිහත් වීම මත ලබා ගැනීමට පියවර ගෙන තිබිණ.
ඒ අනුව පැවැති රජයන් තුනකින්ම මෙම ව්යාපෘතිය තහවුරු කිරීමට කටයුතු කොට ඇත.
නමුත් එසේ තිබියදී ඊයේ (19) පෙරවරුවේ මරදාන පොලිසියේ නිලධාරීීන් පිරිසක් සමග පැමිණ ඇති ජාතික නිවාස සංවර්ධන අධිකාරියේ නිලධාරීන් පිරිසක් බලහත්කාරයෙන් ඉඩමට ඇතුල් වී එය අත්පත් කර ගැනීමට පියවර ගෙන ඇති බව වාර්තා වේ.
මෙහි ඇති විශේෂත්වය වන්නේ් නීති විරෝධී කටයුතු සිදුවන බවටත්, මානව හිමිකම් උල්ලංඝනය වන බවටත් ජාත්යන්තරය හමුවේත්, ජිනීවා මානව හිමිකම් කොමිසම හමුවේත් ලංකාවට එරෙහිව බරපතළ චෝදනා නගා ඇති අවස්ථාවක මෙවැනි අනීතික ක්රියාවන්ද සිදුවෙමින් පැවතීමය.
අනෙක් අතට රාජ්ය අමාත්යවරයකු බන්ධානාගාරවලට බීමතින් ඇතල් වී යකා නටා ඇති බවට ජාත්යන්තරය හමුවේ ලංකාව අපකීර්තියට පත්ව ඇති මොහොතක විදෙස් ආයෝකයන්ට සිදු කරන මෙවැනි අනීතික ක්රියා හේතුකොටගෙන ලංකාව කෙරෙහි විදෙස් ආයෝජකයන්ගේ ඇති විශ්වාසයද බිදවැටීමද වැළැක්විය නොහැක.
එමෙන්ම ජනාධිපතිවරයා සහ අගමැතිවරයා රටෙන් පිටව ඇති මොහොතක ආණ්ඩුවේ ඉහළ පෙළේ නිලධාරීීන් මේ ආකාරයට නීතිය අතට ගෙන ක්රියාකිරීම සම්බන්ධයෙන් දැනටමත් විශාල විරෝධයක් එල්ලවෙමින් පවතින ආකාරයක්ද වාර්තා වේ.
මෙම සිදුවීමට ආණ්ඩුවේ දේශපාලකයකුද සිටින බවට දැනට තොරතුරු අනාවරණය වී ඇති අතර ඒ සම්බන්ධයෙන් ඉදිරියේදී රටට කරුණු ඉදිරිපත් කිරීමේ සූදානමක් ඇති බවද වාර්තා වේ.
