කොළඹ නගරයේ ජීවත් වන වයස අවුරුදු 20-30 ත් අතර වයස් කාණ්ඩයේ තරුණයන් තුළ එන්නත සම්බන්ධයෙන් එතරම් වැඩි උනන්දුවක් නැති බව කොළඹ නගර සභාවේ ප්රධාන වෛද්ය නිළධාරී රුවන් විජයමුණි, ඬේලි මිරර් පුවත්පත සමග පවසා තිබේ.
පසුගිය සදුදා දිනයේ සිට කොළඹ නගරයේ ජීවත් වන 20-30 ත් අතර වයස් ඛාණ්ඩයට එන්නත් ලබා දීම ආරම්භ කර තිබෙන අතර, එන්නත් ලබා ගැනීමේ ප්රතිශතය, තමන් බලාපොරොත්තු වූ ප්රමාණයට වඩා 30 % කින් අඩු බව වෛද්ය රුවන් විජයමුණි පවසා තිබේ.
බොහෝ තරුණ තරුණියන් ෆයිසර් එන්නත ඉල්ලා සිටින බවත්, ෆයිසර් එන්නත නැති බව පැවසූ විට ඔවුන් එන්නත්කරණ මධ්යස්ථානයෙන් ඉවත්ව යන බවත් වෛද්යවරයා පවසයි.
කෙසේ වෙතත්, මේ මොහොතේ එන්නතේ වෙළද නාමය ගැන නොසිතා තමන්ට ලබා ගැනීමට අවස්ථාව ලැබී තිබෙන එන්නත ලබා ගැනීම වැදගත් බව වෛද්යවරයා පවසයි.
