රෝහල් මට්ටමෙන් ජනතාව අපහසුතාවයට පත්වීම වැළැක්වීමේ ක්රමවේදයක් සැකසීමට අමාත්යවරු, රාජ්ය අමාත්යවරු, සෞඛ්ය නිලධාරීන් සෘජුව මැදිහත් වන ලෙස ජනාධිපති ගෝඨාභය රාජපක්ෂ සදහන් කොට ඇත.
ජනාධිපතිවරයා මේ බව සඳහන් කළේ එන්නත්කරණය සහ ඉදිරි මෙහෙයුම් සම්බන්ධයෙන් කොවිඩ් මර්දන විශේෂ කමිටුව සමඟ අද (06) පෙරවරුවේ ජනාධිපති කාර්යාලයේ පැවති හමුවේදී ය.
රෝගය වැළඳීමෙන් වැළකී සිටීමට අවශ්ය උපදෙස් මාධ්ය මඟින් ජනතාවට නිරන්තරයෙන් ලබාදීම සෞඛ්ය විශේෂඥයන්ගේ වගකීම බව ද එතුමා සඳහන් කළේය.
එහිදී කොවිඩ් රෝග ලක්ෂණ සහිතව රෝහල් වෙත පැමිණෙන කිසිදු රෝගියෙකු අපහසුතාවට පත්වීමට ඉඩ නොතබන ලෙස ජනාධිපති ගෝඨාභය රාජපක්ෂ මැතිතුමා සෞඛ්ය අංශ ප්රධානීන්ට උපදෙස් දුන්නේය.
කොවිඩ් රෝග ලක්ෂණ හේතුවෙන් කොළඹ ඇතුළු ප්රධාන නගර කිහිපයක රෝහල් වෙත දෛනිකව පැමිණෙන රෝගීන්ගේ ඉහළ යාමක් වාර්තා වී තිබේ.
එලෙස පැමිණෙන රෝගීන් නිර්ණය කිරීමේදී ඇති වන තදබදය හේතුවෙන්, ඔවුන් අපහසුතාවට ලක් නො විය යුතු බව ද ජනාධිපතිතුමා අවධාරණය කළේය.
