පුද්ගලයින් දෙදෙනෙකුට පහරදීම සම්බන්යෙන් ඊයේ (11) අත්අඩංගුවට පත් හලාවත නගර සභවේ සභාපති ඇතුළු පිරිස ඇප මත මුදාහැරීමට හලාවත මහේස්ත්රාත් අධිකරණය අද නියෝග කළා. හලාවත නගර සභාවේ සභාපති තුෂාන් අබේසේකර සහ ඔහුගේ සහෝදරයා හලාවත පොලීසිය මඟින් අත්අඩංගුවට ගන්නේ ඊයේ (11) රාත්රියේදීය.
ඒ හලාවත, සේදවත්ත ප්රදේශයේ දී යතුරුපැදි ආරවුලක් දුරදිගයාමෙන් සභාපතිවරයා යතුරුපැදිකරුවන් දෙදෙනෙකුට පහරදීමේ සිද්ධියක් මුල්කරගනිමිනි. පහරකෑමට ලක්වූ බව කියන තරුණයින් දෙදෙනා හලාවත මහ රෝහලේ මේ වනවිට ප්රතිකාර ලබමින් සිටී.
අත්අඩංගුවට පත් සභාපතිවරයා හිටපු පා.ම. ශාන්ත අබේසේකරයගේ පුත්රයා වන අතර ශාන්ත අබේසේකර මහතා පවසන්නේ පහරකෑමට ලක් වූ පුද්ගලයින් හලාවත් ප්රදේශයේ සැරිසරමින් අත්තනෝමතිකව හැසිරෙන පුද්ගලයන් බවත් ඊයේ (11) රාත්රී 10.30ට පමණ සනත් ශාන්ත රාජ්ය ඇමතිවරයා පැමිණ පහරකෑමට ලක් වූ පුද්ගලයින් බලෙන් රෝහල් ගත කොට සනත් නිශාන්ත අමාත්යවරයාට පහරදීමට උත්සාහ කළා යැයි නගරාධිපතිවරයා සහ ඔහුගේ සොයුරා රක්ෂිත බන්ධනාගර ගත කිරීමට කටයුතු කළ බව ඒ මහතා පවසනවා.
කෙසේවෙතත්, එම සිදුවීමට මැදිහත් වූ රාජ්ය අමාත්ය සනත් නිශාන්ත මහතා සඳහන් කළේ, හලාවත නගර සභාවේ සභාපතිවරයා තරුණයින් පිරිසකට පහරදී පළා යන බවට ලද තොරතුරක් මත ඔහු පසුපස ගොස් හලාවත නගරයේ දී ඔහුගේ වාහනය වටකර පොලීසිය දැනුවත් කර ඔවුන් පොලීසියට භාරදීමට තමන් කටයුතු කළ බවය.
එම සිදුවීම නගර සභාවේ සභාපතිවරයා ගමන්ගත් වාහනයේ සිටි පුද්ගලයෙකු පටිගත කර තිබුණි.
කෙසේවෙතත්, ලක්ෂ පහකට වැඩි වටිනාකමකින් යුත් රන් මාලයක් කඩා ගැනීම හා පහර දීම ඇතුළු චෝදනා කිහිපයකට හලාවත පොලීසිය අත්අඩංගුවට ගත් හලාවත නගර සභාවේ සභාපති තුෂාන් අබේසේකර මහතා ඇතුළු පස්දෙනෙකු එක් අයෙකු ට ලක්ෂය බැගින් වූ ශරීර ඇප දෙකකට යටත්ව මුදාහැරීමට හලාවත මහෙස්ත්රාත් අධිකරණය නියෝග කළේය.
