පාස්කු ප්රහාරයට සම්බන්ධ වූ සියලු දෙනා නීතියේ රැහැනට හසු කර ගැනීමට කටයුතු කරන බව අගමැති මහින්ද රාජපක්ෂ මහතා පාර්ලිමේන්තුවේ දී අද පැවසීය .
මේ සම්බන්ධයෙන් නීතිමය ක්රියාමාර්ග ගැනීමට නීතිපතිවරයා දැනටමත් කටයුතු කරගෙන යන බවත් ඒ කටයුතුවලට රජය කිසිවිටකත් බලපෑම් නොකරන බවත් අගමැතිවරයා කීය
පාස්කු ප්රහාරයෙන් මියගියසහ තුවාල ලැබූ සියලු දෙනාට ශෝකය පළ කරන බව ද ඔහු සඳහන් කළේය
අගමැතිවරයා මෙසේ පැවසුවේ පාස්කු ඉරුදින ප්රහාරය සිදුවී අදට වසර දෙකක් සම්පූර්ණ වීම නිමිත්තෙන් විශේෂ ප්රකාශයක් කරමිනි .
“පාස්කු කොමිසම විසින් හෙළිදරව් කර ගත් තොරතුරු අනුව, සකස් කළ වාර්තාව හා අනෙකුත් ලේඛන පදනම් කරගෙන නීතිමය ක්රියාමාර්ග ගැනීමට මේ වන විට නීතිපතිවරයා වෙත යොමුකර තිබෙනවා. අධිකරණ කටයුතු කෙරෙහි මැදිහත්වීම නොකරත් ක්රියාමාර්ග සාර්ථක කර ගැනීමට අවශ්ය ඕනෑම සහයකට රජයක් හැටියට සුදානම් බව කියන්න කැමතියි. කොමිෂන් සභාවට අමතරව ක්රියාත්මක කරන අපරාධ පරීක්ෂණ දෙපාර්තමේන්තුවේ පරීක්ෂණ ඉතාම ස්වාධීනව සිදුකරගෙන යෑමට අවශ්ය පහසුකම් ජනාධිපතිවරයා විසින් සපයා දී තිබේ. පරීක්ෂණ අවසානයේ ඒ ඒ දෙපාර්තමේන්තු විසින් අධිකරණ ක්රියාමාර්ග ගැනීමට ඉදිරියේ දී කටයුතු කරයි කියලා අපට විශ්වාසයි.“
