අපරික්ෂාකාරි අන්දමින් මෝටර් රථයක් පදවා රිය අනතුරකින් මනුෂ්ය ඝාතනයක් සිදු කළැයි කියන සිද්ධියකට අදාළව ශ්රී ලංකා ක්රිකට් ක්රීඩක කුසල් මෙන්ඩිස් සම්බන්ධ මහේස්ත්රාත් පරීක්ෂණය ලබන සැප්තැම්බර් මස 29 වනදා තෙක් කල් තබන ලෙස පානදුර අතිරේක මහේස්ත්රාත් චන්දන කලංසූරිය නියෝග කර ඇත.
සැකකරුට තරයේ අවවාද කළ මහේස්ත්රාත්වරයා රුපියල් 50,000ක ඇප බැදුම්කරයකට යටත්ව තාවකාලික රියදුරු බලපත්රයක් මුදාහරින ලෙසට නියෝග කළේය.
අනතුර සිදුවී වසරකට ආසන්න කාලයක් සැකකරුගේ රියදුරු බලපත්රය අධිකරණය භාරයේ ඇති බැව්න් සහ, ජාතික ප්රවාහන අධිකාරියේ වෛද්ය සභා වාර්තාව අධිකරණයට ලැබී ඇති බැවින් සැකකරුගේ රියදුරු බලපත්රය මුදාහරින ලෙස විත්තිය වෙනුවෙන් පෙනී සිටි ජනාධිපති නීතිඥ කපිල වෛද්යරත්න කළ ඉල්ලීමකින් අනතුරුව මහේස්ත්රාත්වරයා මෙම නියෝගය ලබාදී තිබේ.
“මේ රටේ මිලියන විස්සක් පමණ ජනතාව ජීවත් වෙනවා. ඔය අවස්ථාව ලැබෙන්නේ එකොළොස් දෙනෙකුට පමණයි. ඒ එකොළොස් දෙනා අතරට එන්නට විශාල පිරිසක් උත්සාහ දරනවා. මොනවා කළත් හෘදසාක්ෂියට බොරු කරන්න බැහැ. මින් ඉදිරියේ දී පරිස්සමෙන් රිය පැදවිය යුතුයි. අනිත් අයගේ කීර්ති නාමයටද කැළලක් නොවන අයුරින් පරිස්සමෙන් සාවධානව කටයුතු කරන ලෙස නියෝග කරනවා.” යැයි මහේස්ත්රාත්වරයා කීය.
බීමත්ව සිටි බවට කරුණු අනාවරණය නොවන බැවින් රුපියල් 50,000ක ඇපයකට යටත්ව තාවකාලික රියදුරු බලපත්රයක් මුදාහරින බව මහේස්ත්රාත්වරයා ප්රකාශ කළේය.
උප පොලිස් පරීක්ෂක පාලිත කන්නන්ගර අධිකරණය හමුවේ කියා සිටියේ මරණයට පත් පුද්ගලයාගේ බිරිඳ වෙත නිවසක් ඉදිකර දෙන බවට සැකකරු පොරොන්දු වී තිබෙන බවයි.
ඒ සම්බන්ධයෙන් වූ සාකච්ඡාවට තමන් සහභාගී සහභාගි නොවූ බවත්, යුක්තියේ සාධාරණත්වය අනුව ඒ පිළිබඳ කටයුතු කරන ලෙසත් ජනාධිපති නීතිඥ කපිල වෛද්යරත්න අධිකරණයෙන් ඉල්ලා සිටියේය.
ඒ සදහා අවශ්ය වන්නේ නම්, වසර දෙකක් ගතවීමට ප්රථම දිසා අධිකරණයේ නඩුවක් පවරන ලෙසත්, නොමිළයේ නීති ආධාර ලබගැනීමට අවශ්ය නම් මෙම අධිකරණ පරිශ්රයේම ඇති නීති ආධාර කොමිසම වෙත දැනුම් දී නොමිලේ නීති ආධාර ලබා ගැනීමට ලබාගැනීමට කටයුතු කරන ලෙසත් මහේස්ත්රාත්වරයා විත්ති පාර්ශ්වයට උපදෙස් දෙනු ලැබීය.
ජ්යෙෂ්ඨ නියෝජ්ය පොලිස්පති ගේ උපදෙස් පරිදි සැකකරුට එරෙහිව චෝදනා පත්රයක් ගොනු කරන බව පොලීසිය අධිකරණය හමුවේ ප්රකාශ කර ඇත.
