ශ්රී ලංකාවේ ඇතැම් භික්ෂූන්ගේ ක්රියාකලාපය ජාත්යන්තර වශයෙන් රටට අවැඩදායක බවත්, අපේ භික්ෂූන් වහන්සේලා ජාත්යන්තරය ජයගන්න යන්නේ ජාත්යන්තරයට බැන වැදී බවත් කෝට්ටේ ශ්රී කල්යාණි සාමග්රී ධර්ම මහා සංඝ සභාවේ අනුනායක, මහාචාර්ය, අතිපූජ්ය කොටපිටියේ රාහුල හිමි පැවසීය.
ඒ, පසුගියදා බණ්ඩාරනායක අනුස්මරණ අන්තර්ජාතික සම්මන්ත්රණ ශාලාවේදී, අතිපූජ්ය වස්කඩුවේ මහින්දවංස මහානායක හිමිපාණන්ගේ උපදේශකත්වයෙන් ඩබ්.ඒ. පද්මින් සමීර මහතා සම්පාදිත “කපිලවස්තුපුර ශ්රී සර්වඥ ධාතු පුරාණය හා රාජගුරු වස්කඩුවේ ශ්රී සුභූති මාහිමි” පර්යේෂණාත්මක ශාස්ත්රීය ග්රන්ථය එළිදැක්වීමේ උත්සව සභාව අමතමිනි.
එහිදී වැඩිදුරටත් අදහස් දැක්වූ රාහුල හිමි,
“ජාත්යන්තරයට විරුද්ධ වෙලා තමයි භික්ෂූන් වහන්සේලා ජාත්යන්තරයේ සහය ලබා ගන්න හදන්නේ. භික්ෂූන්ගේ වගකීම වන්නේ ධර්ම විනයට අදාල තමන්ගේ වගකීම හරිහැටි ඉෂ්ට කිරීමයි.
ළඟදී මාව හමුවෙන්න ආවා ඇමරිකන් තානාපතිනිය. අපි ලංකාවට උදව් කළත්, ඇමරිකාවෙන් කවුරු ආවත් ලංකාවේ ලංකාවේ හාමුදුරුවරු විරුද්ධ වෙනවා. මගේරටේ, ඇමරිකාවේ ලංකාවෙ හාමුදුරුවරු ගිහින් පන්සල් 82ක් හදලා තියෙනවා. ලංකාවේ හාමුදුරුවරු වැඩියෙන් සුද්දොන්ට තමයි බණ උගන්වන්නේ. ලංකාවෙන් ගියපු මිනිස්සු ලක්ෂ ගාණක් අපේ රටේ ඉන්නවා. ඔබලා වගේ අපිත් හිතුවා නම් අද ඇමරිකාවේ එක භික්ෂූන් වහන්සේ නමක් වත් නෑ. මෙන්න දීපු ප්රකාශය. මට කට උත්තර නැති උනා”
