සිරගතව සිටින පාරලිමේන්තු මන්ත්රී රන්ජන් රාමනායක මහතාගේ මන්ත්රීධූරය සුරක්ෂිත නමුත් ඔහුගේ ජීවිතය අවදානමක පවතින බව විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා අද (22) පෙරවරුවේ අගුනකොලපැලැස්ස බන්ධනාගාරයට ගොස් පාර්ලිමේන්තු මන්ත්රී රංජන් රාමනායක මහතාගේ සුවදුක් විමසා බැලීමෙන් අනතුරුව මේ බව ප්රකාශ කළේය.
එහිදී පවත්නා නීතිමය තත්ත්වය පිළිබඳව පැහැදිලි කළ සජිත් ප්රේමදාස මහතා, කතානායකවරයා විසින් වහාම රංජන් රාමනායක මන්ත්රීවරයා පාර්ලිමේන්තුවට ගෙන්විය යුතු බවද කීය.
සිරගෙදර තුළ රංජන් රාමනායක මන්ත්රීවරයාගේ ජීවිතය බරපතළ අවදානමකට ලක්ව ඇති බවත්, ආණ්ඩුව මේ පිළිබඳව වහාම සිය අවධානය යොමු කළ යුතු බවත් ඒ මහතා පැවසීය.
තම පක්ෂය රංජන් රාමනායක මන්ත්රීවරයා වෙනුවෙන් නිරන්තරයෙන්ම පෙනී සිටින බවද හෙතෙම පැවසීය.
