යුක්රේනයේ සිට සංචාරකයන් ගෙන්වීමේ නියමු ව්යාපෘතියේ අඩුපාඩු පවතින බවත්, මෙම වසංගතය ඇරඹීමට පෙර පැමිණෙන සියලුම සංචාරකයන්ගේ සහ ඔවුන් සමග සම්බන්ධ වන දේශීය රියැදුරන් ඇතුළු පිරිස්වල තොරතුරු අධිකාරිය වෙත ලබාදීමට මාර්ගෝපදේශ නිකුත් කළ නමුත් එම කිසිදු තොරතුරක් මෙතෙක් තමා වෙත ලැබී නැති බවත් සංචාරක සංවර්ධන අධිකාරියේ සභාපතිනි කිමාලි ප්රනාන්දු සංචාරක ඇමැති ප්රසන්න රණතුංග වෙත ලිපියක් යොමු කරමින් ප්රකාශ කර ඇත.
එම ලිපියට අනුව මෙම සංචාරකයන් සමග ගනුදෙනු කරන සියලුම රියැදුරන් සහ මගපෙන්වන්නන්ගේ තොරතුරු නිරෝධායන කටයුතු වෙනුවෙන් ලබාදෙන ලෙස මීට අදාළව කොවිඩ් කාර්ය සාධක බළකායේ පැවැති සාකච්ඡාවලදී සංවිධායකවරුන්ට දැනුම් දී ඇත.
අධිකාරියට වාර්තා වී ඇති ආකාරයට අදාළ යුක්රේන සංචාරකයන් සෆාරි ජීප් රථ 28කින් සහ පෞද්ගලික යාත්රාවලින් විවිධ සංචාරවල නිරතව තිබේ.
එහෙත් මේවනතුරුත් සංවිධායකයන් විසින් අදාළ සංචාරවලට සහභාගි වූ දේශීය පුද්ගලයන්ගේ තොරතුරු අධිකාරිය වෙත ලබාදී නැත.
මෙම තත්ත්වය පිළිබඳව දැඩිව අවධානය යොමු කරමින් අදාළ තොරතුරු සම්පාදනය කර ගැනීම සඳහා කඩිනමින් මැදිහත් වන ලෙස සංචාරක සංවර්ධන අධිකාරියේ සභාපතිනිය ඇමැතිවරයාගෙන් ඉල්ලා සිටී.
