විවිධ ජාවාරම් සඳහා මෙරටට පැමිණ සිටින චීන ජාතික කල්ලි දෙකක් අතර පැවති ආරවුලක් දුරදිග ගොස් එක් කල්ලියක් අද අලුයම කොළඹ වරාය නගර පරිශ්රයේ (Port City) පිහිටි එල්ලෙන පාලම අසල මාළු අල්ලමින් සිටි චීන ජාතිකයින් තිදෙනෙකුට පහරදී එක් අයෙක් පැහැරගෙන ගොස් ඇහැළියගොඩදී ඝාතනයකර ඇත. Sri Lanka Latest News
එම චීන ජාතිකයාව පැහැගෙන ගිය මෝටර් රථයද ඒ් ආසන්නයේ දමාගොස් තිබියදී පොලීසිය සොයාගෙන ඇත.
මෙම ඝාතනය පිහියකින් ඇන සිදුකර ඇති බව පොලීසිය පවසයි. ඝාතනයට සම්බන්ධ චීන ජාතිකයන් දෙදෙනෙක් රටින් පළායාමට කටුනායක ගුවන්තොටුපොලට පැමිණි අවස්ථාවේදී අත්අඩංගුවට ගැනීමට පොලීසිය සමත්ව ඇත.
චීන ජාතිකයන් දෙදෙනා ඊයේ පස්වරු 04.30 ට ඉන්දියාවේ මුම්බායි නුවර බලා පියාසර කරන ගුවන් යානයට ගොඩවීම සඳහා ගුවන් තොටුපොලට පැමිණ තිබේ. එහි සිට සිංගප්පූරුවට යාමට ඔවුන් ගුවන් ටිකට්පත් මිලදී ගෙන තිබී ඇත. ඔවුන් දෙදෙනා 34 හැවිරිදි සහ 38 හැවිරිදි වියේ පසුවන අයයි.
පහරකෑමට ලක්වූ චීන ජාතිකයන් දෙදෙනා කොළඹ ජාතික රෝහලට ඇතුලත්කර ඇති අතර ඔවුන් ප්රශ්න කිරීමේදී පවසා ඇත්තේ මාස 04කට පමණ පෙර ලංකාවට පැමිණි බවය. ඔවුන් මෙරටට පැමිණි නිෂ්චිත හේතුවක් අනාවරණය වී නැත. තුවාල ලැබූ දෙෙදනාත් ඝාතනය වූ පුද්ගලයාත් සුඛෝපභෝගී ජිප් රථයකින් වරාය නගරයට පැමිණ ඇත.
මොවුන්ට පහරදීමට 15ක් පමණ වූ චීන ජාතිකයන් පැමිණ ඇත. ඔවුන් පැමිණි කේ.ඩී.එච්. වර්ගයේ වෑන් රථයක්ද වරාය නගරයේ දමාගොස් තිබියදී පොලීසිය සොයාගෙන තිබේ. එම වෑන් රථය පරීක්ෂා කිරීමේදී ඒ තුළ තිබී වායු පිස්තෝලයක්ද හමුවී ඇත.
එම වෑන් රථයත් මෝටර් රථයක් කුලී පදනම මත ලබාගෙන ඇති බව අනාවරණය වී තිබේ.
