මහජන සේවා වඩාත් කාර්යක්ෂම සහ ඵලදායී ලෙස සැපයීම සඳහා අදාළ පාර්ශ්ව අතර සම්බන්ධීකරණය ශක්තිමත් කිරීමත්, දිස්ත්රික් මට්ටමින් පවතින ගැටලු සාකච්ඡා කර, ඒවාට අදාළ විසඳුම් ලබා ගනිමින් ආර්ථික සංවර්ධනය ප්රවර්ධනය කිරීමත් අරමුණු කර ගනිමින් කොළඹ දිස්ත්රික් ලේකම් කාර්යාලයීය ශ්රවණාගාරයේදී පැවති දිස්ත්රික් ලේකම් සමුළුව සඳහා ජනාධිපති අනුර කුමාර දිසානායක මහතා එක්ව තිබේ.Sri Lanka Latest News
දිස්ත්රික් ලේකම්වරු, අමාත්යාංශ ලේකම්වරු සහ දෙපාර්තමේන්තු ප්රධානීන් ඇතුළු රාජ්ය නිලධාරීන්ගේ සහභාගිත්වයෙන් පැවති මෙම සාකච්ඡාවේදී දිස්ත්රික් මට්ටමින් ක්රියාත්මක සංවර්ධන ව්යාපෘතිවල ප්රගතිය, අමාත්යාංශ සහ රාජ්ය ආයතන අතර පවතින සම්බන්ධීකරණය, දිස්ත්රික් මට්ටමේ පවතින ගැටලු හඳුනාගෙන ඒවාට ප්රායෝගික විසඳුම් යෝජනා කිරීම සහ ඉදිරි ක්රියාමර්ග සහ වගකීම පැවරීම සිදු කෙරිණි.
ජනතාවගේ මූලික අවශ්යතා කඩිනමින් ඉටු කිරීම රජයේ ප්රමුඛ අරමුණ බව මෙහිදී අවධාරණය කරමින් දිස්ත්රික් සම්බන්ධීකරණ කමිටු රැස්වීම්වලදී මතු වන හදිසි පාලම්, මාර්ග හෝ ගොඩනැගිලි ප්රතිසංස්කරණ කටයුතු මධ්යම රජයේ අනුමැතිය එනතෙක් ප්රමාද නොකර සෘජුවම දිස්ත්රික් ලේකම්වරුන් මගින් ඉටු කිරීමට අවස්ථාව සැලසෙන පරිදි ඉදිරි අයවැයෙන් සෑම දිස්ත්රික්කයකටම වෙනම මුදල් සංචිතයක් ලබා දීමට සැලසුම් කර තිබෙන බව ජනාධිපතිවරයා සදහන් කොට ඇත.
ගුණාත්මක රාජ්ය සේවාවක් ගොඩනැගීම වෙනුවෙන් රාජ්ය අංශයේ පුළුල් ප්රතිසංස්කරණයක අවශ්යතාව මෙහිදී වැඩිදුරටත් අවධාරණය කරමින්, ජනතාවගේ බදු මුදලින් රාජ්යය පවත්වාගෙන යාම පමණක් සිදු නොවිය යුතු බවත්, ශක්තිමත් කළ යුතු රාජ්ය ආයතන ශක්තිමත් කරන බවත් ජනාධිපතිවරයා අවධාරණය කොට තිබේ.
