ලොව පුරා උෂ්ණත්වය ඉහළ නැංවීමට සහ දරුණු මට්ටමේ කාලගුණික තත්ත්වයක් ඇති ඇති කිරීමට බලපාන ප්රධාන ස්වභාවික සංසිද්ධියක් වන එල්-නිනෝ තත්ත්වය මේ වන විට නිල වශයෙන් ආරම්භ වී ඇති බවත්, ඉන් ඉතා දරුණු ආකාරයට ශ්රී ලංකාවටද බලපෑම් එල්ල කරනු ඇති බවත් මාධ්ය වාර්තා පළකොට ඇත. Sri Lanka Latest News
ඇමෙරිකා එක්සත් ජනපදයේ ජාතික සාගර හා වායුගෝලීය පරිපාලන ආයතනය නිවේදනය කර ඇත්තේ, මධ්යම සහ නැගෙනහිර සමකාසන්න පැසිෆික් සාගර කලාපයේ මුහුදු මතුපිට උෂ්ණත්වය සාමාන්ය අගයට වඩා සෙල්සියස් අංශක 0.5කින් ඉහළ ගොස් ඇති අතර, එය එල්-නිනෝ තත්ත්වයක් ලෙස සැලකීමට අවශ්ය සීමාව ඉක්මවා ඇති බවය.
විද්යාඥයන් පෙන්වා දෙන්නේ මෙවර එල්-නිනෝ තත්ත්වය ඉතා ප්රබල හෙවත් ‘දරුණු එල්-නිනෝ’ තත්ත්වයක් දක්වා වර්ධනය වීමේ හැකියාවක් පවතින බවත්, එය ඉතිහාසයේ වාර්තා වූ ප්රබලතම එල්-නිනෝ සංසිද්ධීන් අතරට එක්විය හැකි බවත් විද්යාඥයන් අනාවැකි පළකොට තිබේ.
මිනිස් ක්රියාකාරකම් හේතුවෙන් දශක ගණනාවක් තිස්සේ සිදුවන ගෝලීය උණුසුම් වීමට අමතරව මෙම තත්ත්වයද එකතු වීම නිසා, ඉදිරි වසරක කාලය (බොහෝ දුරට 2027 වසර) වාර්තාගත ලෙස උණුසුම් අධික වසරක් බවට පත්විය හැකි බව විශේෂඥයෝ පෙන්වා දෙති.
ඒ අනුව මෙම එල්-නිනෝ තත්ත්වය ශක්තිමත් වුවහොත් ශ්රී ලංකාවට ඉන් ඇතිවිය හැකි බලපෑම් මාසිකව බැලුවහොත් මෙවැනි රටාවක් බලාපොරොත්තු විය හැකිය.
ශ්රී ලංකා කාලගුණ දෙපාර්තමේන්තුවේ මෑත අනාවැකි අනුව එල්-නිනෝ තත්ත්වය මේ වනවිට වර්ධනය වෙමින් පවතින අතර 2026 අග හා 2027 මුලදී උපරිමයට පැමිණිය හැක.
ජූලි – අගෝස්තු
● උෂ්ණත්වයෙන් වැඩිම බලපෑම
● සාමාන්යයට වඩා උණුසුම් කාලගුණය
● නිරිතදිග මෝසම් වැසි අඩුවීම
● ජලාශ මට්ටම් පහත වැටීම
● ජල විදුලි නිෂ්පාදනයට පීඩනය
සැප්තැම්බර්
● වියළි හා උණුසුම් කාලයක්
● ගොවිතැනට ජල හිඟ වීමේ ගැටලු
● වියළි කලාපවල පානීය ජල පීඩනය
● විදුලි ඉල්ලුම ඉහළ යාම
වැඩිම අවදානමක් සහිත ඔක්තෝබර් – දෙසැම්බර් කාලය
● අධික වැසි
● හදිසි ගංවතුර
● නායයෑම්
● නාගරික ජල ගැලීම්
● ඩෙංගු ව්යාප්තිය
ආර්ථික බලපෑම් ආරම්භ වන 2027 ජනවාරි – මාර්තු
● සහල් මිල ඉහළ යා හැක
● එළවළු මිල ඉහළ යා හැක
● තේ හා රබර් නිෂ්පාදනයේ වෙනස්කම්
● ආහාර උද්ධමනය
ලෝක ආහාර නිෂ්පාදනයටද එල්-නිනෝවේ බලපෑම් ඇති බැවින් ශ්රී ලංකාවේත් ආනයනික ආහාර හා ඉන්ධන පිරිවැය හරහා පීඩනයක් එල්ල විය හැක.
2027 මුල් භාගයේ විශේෂ අවදානම්
● ජල හිඟය
● ආහාර මිල ඉහළ යාම
● ගංවතුර හා නායයෑම්
● ඩෙංගු වැඩිවීම
● විදුලිබල පීඩනය
කෙසේ වෙතත් ලබන ජූලි – අගෝස්තු මාසවලදී මේ ආකාරයේ බරපතළ කාලගුණික විපර්යාසයන් සිදුවිය හැකි එල්-නිනෝ තත්ත්වයකට ලංකාවට මුහුණ දීමට සිදුවිය හැකි බව පළමු වරට රටට අනාවරණ කළේ විපක්ෂ නායක සජිත් ප්රේමදාස මහතාය.
පාර්ලිමේන්තුවේදී අදහස් දක්වමින් විපක්ෂ නායකවරයා පෙන්වා දුන්නේ වහාම මෙහි බලපෑම ජනතාවට දැනීම අවම කිරීම සඳහා ආණ්ඩුව පියවර ගත යුතු බවකි.
කෙසේ වෙතත් එල්-නිනෝ බලපෑම සහ ඊට මුහුණ දීමේ ආයතනික සැලසුම පිළිබඳ සොයාබැලීමේ විශේෂ සාකච්ඡාවක් පසුගිය බ්රහස්පතින්දා (11) දිනයේදී ජනාධිපති අනුර කුමාර දිසානායක මහතාගේ ප්රධානත්වයෙන් ජනාධිපති කාර්යාලයේදී පැවැත්විණි. මෙහිදී ඉදිරියේදී ඇතිවිය හැකි එල්-නිනෝ තත්ත්වය හරහා මෙරට ආහාර සුරක්ෂිතතාව, පානීය ජලය සහ බලශක්ති යන ක්ෂේත්ර කෙරෙහි ඇතිකරන බලපෑම සහ එකී ක්ෂේත්ර කළමනාකරණය කරගැනීම සඳහා ගතයුතු කඩිනම් පියවර පිළිබඳවද පුළුල් ලෙස විමසා බලා තිබිණි.
