සයිබර් අපරාධවල නිරතවීම සම්බන්ධයෙන් වැලිකඩ මැද පාරේ පිහිටි තට්ටු නිවාස සංකීර්ණයකදී අත්අඩංගුවට ගත් චීන ජාතිකයන් 120 දෙනා අතර සිටි 19 දෙනෙකුගේ විදේශ ගමන් බලපත්ර සන්තකයේ තබාගෙන ඒ්වා මුදා හැරීමට රුපියල් ලක්ෂ 03ක මුදලක් අල්ලස් ලෙස ඉල්ලා සිටීමක් සම්බන්ධයෙන් වැලිකඩ පොලීසියේ ස්ථානාධිපතිවරයාව මධ්යම අපරාධ විමර්ශන කාර්යාංශය විසින් අද අත්අඩංගුවට ගත්තේය.Sri Lanka Latest News
මධ්යම අපරාධ විමර්ශන කාර්යාංශයේ නිලධාරින් කණ්ඩායමක් වේයන්ගොඩ ප්රදේශයට ගොස් සැකකාර ස්ථානාධිපතිවරයා අත්අඩංගුවට ගෙන ඇත.
චීන ජාතිකයන් අත්අඩංගුවට ගෙන ඔවුන් සතුව තිබී සොයාගත් ජංගම දුරකථන ලැප්ටොප් ඇතුළු උපාංග අධිකරණයට ඉදිරිපත් නොකිරීම සම්බන්ධයෙන්ද පොලිස්පති නියමයෙන් අපරාධ පරික්ෂණ දෙපාර්තමේන්තුවද මේ වන විට විමර්ශනයක් සිදුකරනු ලබයි.
