වීසා කොන්දේසි උල්ලංඝනය කරමින් මෙරට රැදී සිටිමින් මූල්ය වංචාවන් සිදුකළ වියට්නාම් ජාතික සැකකරුවන් හා සැකකාරියන් පිරිසක් අත්අඩංගුවට ගෙන තිබේ.Sri Lanka Latest News
ඒ අතර විදෙස් ජාතික සැකකරුවන් 41 දෙනෙකු හා සැකකාරියන් 33 දෙනෙකු සිටින බව පොලීසිය පවසයි.
ඊයේ (06) සවස කොල්ලුපිටිය, උත්තරානන්ද මාවත ප්රදේශයේ නිවාස සංකීර්ණයක කොල්ලුපිටිය පොලිස් ස්ථානයේ නිලධාරීන් කණ්ඩායමක් විසින් සිදුකළ වැටලීමකින් මෙම පිරිස අත්අඩංගුවට ගෙන ඇත.
සැකකරුවන් හා සැකාරියන් අවුරුදු 19 ත් 39 ත් අතර වයස්වල පසුවන පිරිසක්වන අතර කොල්ලුපිටිය පොලීසිය වැඩිදුර විමර්ශන සිදු කරයි.
මේ අතර වියට්නාම ජනාධිපති ටෝ ලම් (To Lam) මහතා නිල සංචාරයක් සඳහා අද (07) දිවයිනට පැමිණීමට නියමිතව තිබේ.
ඒ අනුව වියට්නාම් ජනාධිපතිවරයා අද රාත්රී දිවයිනට පැමිණීමට නියමිත බව වාර්තා වේ.
ජනාධිපතිවරයා සමඟ දූත පිරිස 200ක් පමණ මෙම සංචාරය සඳහා සහභාගී වනු ඇති බව ද සඳහන්ය.
වියට්නාම ජනාධිපති ටෝ ලම් මහතා හෙට (08) දින ශ්රී ලංකා පාර්ලිමේන්තුව ඇමතීමට ද නියමිතව තිබේ.
මේ අතර වියට්නාම ජනාධිපතිවරයාගේ මෙරට සංචාර කාලසීමාව තුළ කොළඹ නගරය ආශ්රිතව අද සහ හෙට විශේෂ රථ වාහන සැලැස්මක් ක්රියාත්මක බව පොලීසිය පවසයි.
