ආර්.එෆ්.එම්.සුහෙල් – නුවරඑළිය
හැටන් ප්රදේශයේ සතියට දින දෙකක් සති පොළ පැවැත්වෙන තරු චතුරශ්ර පරිශ්රය ඉවතලන කසල වලින් පිරිච්ච මිහිපිට අපායක් බවත් එමගින් හමන දැඩි දුර්ගන්ධය හා අප්රසන්න තත්ත්වය හේතුවෙන් මහජනතාව දැඩි ලෙස පීඩාවට පත්වන බවත් ව්යාපාරිකයන් ප්රදේශවාසීන් හා පරිසරවේදයෙන් දැඩි ලෙස චෝදනා නගති ,Sri Lanka Latest News
හැටන් තරු චතුරශ්රය කැලිකසල වලින් පිරී ඉතිරීමේ ගැටලුව හමුවේ අපහසුතාවයන්ට පත්වන ව්යාපාරිකයන් හා ප්රදේශවාසීන් මෙලෙස් අදහස් දැක්විය,
හැටන් නගර මධ්යයේ පිහිටි “තරු චතුරශ්රය” පරිශ්රය යනු සතියට දින දෙකක් පොළ පැවැත්වෙන ස්ථානයයි.
එම පරිශ්රය වටා වෙළදසැල් හා සේවා ආයතන පිහිටා තිබේ.පොල පවත්වනු ලබන්නේ සෙනසුරාදා සහ ඉරිදා දිනවල ය .
අනෙක් දිනවල නගර සභාව විසින් මුදල් අයකරන රථ ගාලක් ලෙස පවත්වාගෙන යන අතර දිගු කාලයක සිට එම ස්ථානය නගරයේ එකතුවන කසල ගොඩගසන හා පුළුස්සා දමන නිති විරෝධි කටයුතු සිදුකරමින් තිබේ.
දිවා රැ දැවෙන පොලිතින් හා ප්ලාස්ටික් ඇතුළු අපද්රව්ය දුමාරය ආග්රනය කිරිමට සිදුවීම නිසා ජනතාව දැඩි ලෙස පිඩාවට පත්වෙමින් සිටිති .
එමෙන්ම කොමසාරිස් පාලනය යටතේ දි පැවති එම නිතිවිරෝධි ක්රියාව වත්මන් පාලනය විසින් ද සිදු කරමින් සිටි .
බොහෝ කාලයක් නැවති තුබු පොළ නැවත ආරම්භ කල ද එම භූමියේ කසල ගොඩ ගැසිම හා පිලිස්සිම නතර කිරිමට පියවර ගෙන නැත.
දෛනිකව විශාල කසල තොගයක් එම ස්ථානයේ ගොඩ ගසන අතර එවා ගිනි තැබිහද හැටන් නගර සභාවේ සේවකයින් විසින්ම සිදු කරනු ලැබේ .එමෙන්ම පොළ පවත්වන දිනවලදි වත් එම භූමිය පිරිසිදු නොකරන අතැ දුර්ගන්ධය හමන මැසි ගහනයක්ද ඇති අපිරිසිදු පොලව මත එලවළු ගොඩගසා විකිණීම සිදු කරනු ලැබේ .
පොළ භූමියේ වෙළෙන්දන්ටගන් මුදලක් ද ලබා ගන්නා නගර සභාව ජනතාවගේ සෞඛ්ය ආරක්ෂාව හා පාරසරික ගැටළු ඇතිවීම පිළිබදව කිසිදු අවධානයක් යොමු නොකරන බව ජනතාව චෝදනා කරති .
එමෙන්ම කසල ගොඩගැසිම නිසා ස්ථිර වෙළදසැල් හා බාබර් සාප්පු,ඇදුම් මැසිම හා වෙනත් සේවා ස්ථාන සහ ආපනශාලා පවත්වාගෙන යන ජනතාව මැසිවිලි නගන්නේ මැස්සන් හා දුර්ගන්ධය නිසා ජනතාව නොපැමිණීම නිසා දෛනිකව පාඩු ලබන තත්ත්වයට පත්ව ඇති බවය.ඒ තත්ත්වය හමුවේ සිය දරු පවුල් රැක ගැනිම ද ප්රබල ප්රශ්නයක් වි තිබෙන බවය .
එමෙන්ම දෛනිකව හැටන් නගරයට එනයක ජනතාව සේම ,එම ස්ථානය ආසන්නයේම පිහිටි ගාමිණිපුරය ,සමනළගම ,බණ්ඩාරනායක පුර ආදි ගම්මාන වන ජිවත් වන දහස් ගනනක කුඩා දරුවන් ,වැඩිහිටියන් ඇතුළු ජනතාව පොලිතින් ,ප්ලාස්ටික් ගිනිතැබිම නිසා නිකුත්වන දුමාරය නිසා රෝගී විමේ අවධානමක් තිබුනද පොලිස් පරිසර ඒකකය ,මධ්යම පරිසර අධිකාරිය වැනි ආයතන වත් කිසිදු විධිමත් පියවරක් නොගැණිම අතිශය කනගාටුදායක තත්වයකි .
මේ පිළිබදව හැටන් දික්ඔය නගර සභාවේ ගාමිණිපුර කොට්ඨාස මන්ත්රීවරයාගෙන් විමසු විට පැවසුවේ නගර සභාවට කසල බැහැර කිරිම සම්බන්ධයෙන් ගැටළුවක් පවතින නිසා එම ස්ථානයේ ගොඩගැසිම සිදු කල බවත් සභා තීරණයක් අනුව තානායම් භූමියට කසල දැමිමට තීරණය කල බැවින් තරු චතුරශ්රය භූමිය පවිත්ර කිරිට පියවර ගන්නා බවත් පැවසීය .
