වසර 2026 දේශීය ආදායම් (සංශෝධන) පනතේ විධිවිධාන යටතේ, ලබන අප්රේල් 01 වැනිදා සිට මෙරට ප්රධාන සේවා සහ ගනු-දෙනු කිහිපයක් සඳහා බදු ගෙවන්නා හඳුනා ගැනීමේ අංකයට (TIN) අදාළ සහතිකයක් පැවතීම අනිවාර්ය අවශ්යතාවක් බවට පත්වන බව දේශීය ආදායම් දෙපාර්තමේන්තුව ප්රකාශ කරයි.Sri Lanka Latest News
මෙම රෙගුලාසිය මඟින් බදු ගෙවන්නා හඳුනා ගැනීමේ අංකයක් ඇති ඕනෑම පුද්ගලයකුට හෝ ආයතනයකට මෙම සහතිකය නිකුත් කිරීමට කොමසාරිස් ජනරාල්වරයාට බලය පවරන අතර, ඒ යටතේ අත්යවශ්ය ක්රියාකාරකම් සඳහා විධිමත් බදු ලියාපදිංචි කිරීමේ ක්රියාවලියක් සහතික කරයි.
මූල්ය ගනුදෙනු, දේපළ හා සංවර්ධනය සහ ලියාපදිංචිය මෙන්ම මෝටර් රථවාහන ලියාපදිංචිය සහ බලපත්ර අලුත් කිරීම ඇතුළු තවත් කටයුතු කිහිපයක දී TIN සහතිකය අනිවාර්ය අවශ්යතාවක් වේ. ඒ සම්බන්ධයෙන් අදහස් දක්වන එම දෙපාර්තමේන්තුවේ ප්රධානියා වන දේශීය ආදායම් කොමසාරිස් ජනරාල් රුක්දේවී ප්රනාන්දු මහත්මිය මෙසේද කියා සිටී. බදු ගෙවන්නා හඳුනා ගැනීමේ අංකයට අදාළ සහතිකයක් බලධාරීන්ට ඉදිරිපත් නොකර පහත සඳහන් කාර්යයන් සම්පූර්ණ කළ නොහැකි බව පනතේ සඳහන් වේ.
මූල්ය ගනුදෙනු, මූල්ය ආයතනයක ඕනෑම ගිණුමක් විවෘත කිරීම හෝ ක්රෙඩිට් කාඩ්පතක් ලබා ගැනීම. දේපළ හා සංවර්ධනය, ඉඩම් හෝ ඉඩම් හිමිකාරිත්වය ලියාපදිංචි කිරීම සහ ගොඩනැඟිලි සැලසුම් සඳහා නිල අනුමැතිය ලබා ගැනීම. මෝටර් වාහන, මෝටර් වාහනයක් ලියාපදිංචි කිරීම සහ මෝටර් වාහන බලපත්රයක් අලුත් කිරීම යන දෙකම.
ව්යාපාර සහ ආයතනික ක්රියාමාර්ග, ව්යාපාරයක් ලියාපදිංචි කිරීම සහ ශ්රී ලංකාවේ සංස්ථාගත සමාගමක කොටස් පැවරීම ආදිය වේ. වසර 2026 ගැසට් කරන ලද දේශීය ආදායම් (සංශෝධන) පනත මඟින්, බැංකු කළමනාකරුවන්, රෙජිස්ට්රාර්වරුන් සහ පළාත් හෝ ප්රාදේශීය ලේකම්වරුන් ඇතුළු නිශ්චිත නිලධාරීන් මෙම සේවාවන් ලබා දීමට පෙර බදු ගෙවන්නා හඳුනා ගැනීමේ අංකයට අදාළ TIN සහතිකය සත්යාපනය කිරීම සඳහා වගකිව යුතු බව නියම කර ඇති බව ද ප්රනාන්දු මහත්මිය පැවසුවාය
