ලංකාවේ අඹ ගෙඩියට ජාත්යන්තර වටිනාකමක් දීලා, ලංකාවේ නම ලෝකයේ සුපිරි වෙළෙඳසල්වල රාක්ක දක්වා අරන් ගිය නම ගැන තමයි අපි මේ කතාකරන්න යන්නේ. මේ අපූරු අඹ විශේෂය ලොවට හඳුන්වා දුන් අසහාය ලාංකිකයා, ටොම් එල්ලාවල මහතාගේ සහ එම අඹ ගැනයි.Sri Lanka Latest News
ටොම් එල්ලාවල කියන්නේ ව්යාපාරිකයෙක් නෙවෙයි. ඔහු ස්වභාවධර්මයට ආදරේ කරපු, අලුත් දේ අත්හදා බලන්න බය නැති, විශිෂ්ට දූරදර්ශී මිනිසෙක්. ඔහුත් සමග මේ ගමනට අත්වැල් බැඳගත් අනෙක් ප්රධාන චරිතය තමයි ප්රකට කෘෂි විද්යාඥ ජුවන් කාලෝස් මහතා. අන්න ඒ නිසාම තමයි මේ අඹ විශේෂයට TJC කියන නම ලැබෙන්නේ.
T – Tom Ellawala (ටොම් එල්ලාවල) JC – Juan Carlos (ජුවන් කාලෝස්)
මේ නම් දෙකේ එකතුවෙන් තමයි ලෝකයම අද හඳුනන TJC Mango බිහි වුණේ.
හැම සාර්ථක කතාවක් පිටුපසම ලොකු වෙහෙසකර ගමනක් තියෙනවා. 1990 දශකයේදී ටොම් එල්ලාවල මහතාට අවශ්ය වුණා ලංකාවට ආවේණික, හැබැයි ජාත්යන්තර වෙළෙඳපොළ ජයගන්න පුළුවන් ගුණාත්මක බවින් ඉහළ අඹ වර්ගයක් හඳුන්වා දෙන්න.
ඔහු අනුරාධපුරය වැනි වියළි කලාපීය ප්රදේශ තෝරාගෙන පර්යේෂණ ආරම්භ කළා. වසර ගණනාවක කැපවීමෙන් පස්සේ, ලංකාවේ දේශගුණයට උපරිමයෙන් ගැළපෙන, මස් පිරුණු, අතිශය රසවත් වගේම පෙනුමෙන් ආකර්ෂණීය අඹ විශේෂයක් නිපදවන්න ඔහු සමත් වුණා. TJC අඹවල තියෙන රස නිසා මේ අඹවලට ලෝකයේ ඉහළම ඉල්ලුමක් ලැබෙන්න පටන් ගත්තා.
මිනිස්සු මේ අඹවලට මෙච්චර ආදරේ කරන්න හේතු ගොඩක් තියෙනවා. TJC අඹ ඉදුණට පස්සේ හරිම ලස්සන රන්වන් කහ පාටක් ගන්නවා. ඒ වගේම සාමාන්ය අඹ ගෙඩියකට වඩා බරින් වැඩි, ලොකු ගෙඩි. කෙඳි ගතිය ඉතාම අඩුයි. ඒ වගේම මස් පිරුණු, පැණි රසෙන් පිරිච්ච මදයක් තියෙන්නේ.
විශේෂම කාරණය තමයි අනෙක් අඹවලට වඩා වැඩි දවසක් නරක් නොවී තබාගන්න පුළුවන් නිසා අපනයන වෙළෙඳපළේ මෙයා තමයි අඹ රජ්ජුරුවෝ.
අද වෙනකොට මැදපෙරදිග, යුරෝපය සහ ආසියාවේ රටවල් ගණනාවක සුපිරි වෙළෙඳසල්වල Product of Sri Lanka ලේබලය යටතේ TJC අඹ අලෙවි වෙනවා. මේක තනි පුද්ගලයෙක්ගේ උත්සාහයකින් පටන් අරන්, දහස් ගණන් ගොවි පවුල්වලට ආර්ථික ශක්තියක් ලබාදුන් මහා ව්යාපෘතියක්.
ටොම් එල්ලාවල මහතා කළේ ව්යාපාරයක් විතරක් නෙවෙයි ඔහු ලංකාවේ කෘෂිකර්මාන්තයට Branding කියන දේ ඇතුළු කළා. අපි වගාකරන දේ ලෝකයට විකුණන්න පුළුවන් ඉහළම මට්ටම ඔහු අපට පෙන්වා දුන්නා.
අඹ ගැන කතාකරද්දී ගොඩක් දෙනෙක් අහන ප්රශ්නයක් තමයි, මේ අපි කන TJC අඹමද අල්පොන්සෝ කියන්නෙත් කියලා. සරලම උත්තරය තමයි නැහැ. මේ වර්ග දෙකම සුපිරි ගණයේ අඹ වුණාට, මේ දෙකේ පැහැදිලි වෙනස්කම් කිහිපයක් තියෙනවා.
අල්පොන්සෝ කියන්නේ මුලින්ම ඉන්දියාවෙන් බිහිවුණු අඹ වර්ගයක්. හැබැයි TJC කියන්නේ අපේම ලාංකික බිමෙන්, ටොම් එල්ලාවල මහතාගේ මූලිකත්වයෙන් ලෝකයට හඳුන්වා දුන් අපේම අඹ වර්ගයක්.
අපි හැමෝම අඹ කන්න ආසයි. හැබැයි මීළඟ වතාවේ ඔබ TJC අඹ ගෙඩියක රස බලනකොට, ඒ පිටුපස ඉන්න මේ නිහඬ සේවකයා, ටොම් එල්ලාවල මහතාවත් මතක් කරන්න. ඔහු අපේ රටේ කෘෂි ක්ෂේත්රයේ සැබෑ වීරයෙක්.
අල්පොන්සෝ ගෙඩියක් සාමාන්යයෙන් මධ්යම ප්රමාණයේ එකක්. හැබැයි TJC අඹ ගෙඩියක් ගොඩක් වෙලාවට විශාලයි. එක ගෙඩියක් ග්රෑම් 600 සිට කිලෝග්රෑම් 1 දක්වා වුණත් බර වෙන්න පුළුවන්.
අල්පොන්සෝවලට තියෙන්නේ ඉතාමත් තද, කාමරයක් වුණත් පිරීයන සුවඳක්. TJCවල සුවඳ මෘදුයි, හැබැයි එහි තියෙන විශේෂත්වය තමයි කෙඳි රහිත, බටර් වගේ දියවෙන අතිශය රසවත් මස් පිරුණු මදය.
අල්පොන්සෝ ඉදුණු විට තද රන්වන් තැඹිලි පාටක් ගන්නවා. TJC අඹවල තියෙන්නේ ඇසට ප්රියමනාප ලස්සන කහ පාටක් (රත්තරන් පාට වගේ).
සමහර වෙළෙන්දෝ පාරිභෝගිකයන් ආකර්ෂණය කරගන්න TJC අඹවලටත් අල්පොන්සෝ කියලා නම පාවිච්චි කරනවා. ඒත් දැන් ඔබ දන්නවා, අපේ ඔන්ක් කියන්නේ අල්පොන්සෝවලටත් වඩා ගුණාත්මක බවින් ඉහළ, අපනයන වෙළෙඳපළේ ඉහළම තැනක තියෙන ලාංකික අභිමානයක් කියලා.
ලෝක වෙළෙඳපළේ තත්ත්වය ගත්තොත් ඉල්ලුම අතින් ඉන්දියාවේ අල්පොන්සෝ ඉදිරියෙන් ඉන්නවා, හැබැයි වටිනාකම සහ ප්රිමියම් ගතිය අතින් TJC ඉදිරියෙන් ඉන්නවා.
අල්පොන්සෝවලට ඉහළ ඉල්ලුමක් ලැබෙන හේතුව තමයි ඉන්දියාව ඉතා විශාල වශයෙන් අල්පොන්සෝ වගා කරලා අපනයනය කිරීම.
TJCවලට තියෙන්නේ ඉතාමත් විශේෂිත ඉල්ලුමක්. ඒ කියන්නේ ඉහළම ගුණාත්මකභාවය සොයන Premium පාරිභෝගිකයන් අතර TJCවලට තියෙන්නේ පුදුමාකාර ඉල්ලුමක්. සරලවම කියනව නම් ලංකාවේ TJC අඹ ගන්නේ ලෝකේ ඉන්න ධනවත්ම පිරිස. අල්පොන්සෝවලට වඩා TJCවල තියෙන වාසිය තමයි එහි විශාලත්වය සහ කෙඳි රහිත බව. ගොඩක් විදේශිකයන් ආහාරයට ගැනීමට පහසු, මස් පිරුණු අඹවලට කැමැති නිසා TJC දැන් වේගයෙන් ජනප්රිය වෙනවා.
හැබැයි අපේ ගැටලුව තියෙන්නේ අල්පොන්සෝවලට තරගයක් දෙන්න තරම් අපි TJC අඹ වගා කරලා නැහැ. ඒ කියන්නේ ඉල්ලුමට සරිලන සැපයුමක් නැහැ. ඉතින් අපේ පාලකයන් මේ ගැන අවධානය යොමුකරනවා නම් සාම්ප්රදායික වගා ක්රමයෙන් මිදිලා අපනයන වෙළෙඳපළ ආක්රමණය කරලා ලංකාවේ විදේශ ආදායම වැඩිකරන්න මේ වැඩෙන් පුළුවන්. හැබැයි මෙහෙම දෙයක් තියෙනවා මේ ගැන අපි මීට වඩා අවධානය දෙන්න ඕනෙ. නැත්නම් වෙන්නේ බිබිලේ දොඩම්වලට සහ ලංකාවේ ඇපල්වලට වෙච්ච දේම වෙන්න පුළුවන්.
මිත්රවරුනි අපේ රටේ මෙවැනි දක්ෂ මිනිසුන් සහ ඔවුන්ගේ නිර්මාණ ගැන අපි කතා කරන්න ඕනෙ. ඒක තමයි හෙට දවසේ අලුත් දෙයක් කරන්න ඉන්න තරුණ පරපුරට දිය හැකි ලොකුම දිරිය. ඒ වගේම තමයි TJC අඹ කියන්නේ ඩොලර්වලින් සල්ලි හොයන්න පුළුවන් සුපිරිම ක්රමයක්. ඔබත් TJC අඹ රස බලලා තියෙනවද?
