නේවාසික රෝගියකුට වැඩි මිලට ඖෂධ විකිණීම සම්බන්ධයෙන් වු චෝදනාවන් කියවා දීම සඳහා කොළඹ ප්රධාන පෙළේ පෞද්ගලික රෝහලේ අධක්ෂවරුන් උසාවියට කැඳවන ලෙස මාලිගාකන්ද මහේස්ත්රාත් ජනිතා රෝෂනී පෙරේරා මහත්මිය නියම කළාය.Sri Lanka Latest News
නේවාසික රෝගියකුට වැඩිමිලට ඖෂධ විකිණීම සම්බන්ධයෙන් වු නඩුව පවරා ඇත්තේ කාලාවරෝධයෙන් අනතුරුව බවටත් එම නඩුව මාලිගාකන්ද මහේස්ත්රාත් අධිකරණයේ පවරා පවත්වාගෙන යෑමට නොහැකි බවටත් විත්තිකාර පෞද්ගලික රෝහල සහ එහි අධක්ෂවරුන් වෙනුවෙන් නීතීඥ ජීවන්ත ජයතිලක මහතා ඉදිරිපත් කළ මුලික විරෝධතාවයන් ප්රතික්ෂෙප කළ මහේස්ත්රාත්වරිය චෝදනාවන් කියවාදීම සඳහා අදාළ පෞද්ගලික රෝහලේ අධක්ෂවරුන් උසාවියට කැඳවීමට නියම කළාය.
විත්තිකාර පෞද්ගලික රෝහලේ අධක්ෂවරුන්ට එරෙහි චෝදනා පත්ර බාරදීමට මීට පෙර අවස්ථාවක අධිකරණය සුදානම් වු අවස්ථාවේදී මෙම නඩුව පවරා ඇත්තේ කාලාවරෝධයෙන් අනතුරුව බවටත් එම නඩුව මෙම අධිකරණයේ පවරා පවත්වාගෙන යෑමට නොහැකි බවටත් විත්තිකාර පෞද්ගලික රෝහල සහ එහි අධක්ෂවරුන් වෙනුවෙන් නීතීඥ ජීවන්ත ජයතිලක මහතා මුලික විරෝධතාවයන් ඉදිරිපත් කළ අතර ඒ සම්බන්ධයෙන් තීන්දුව ප්රකාශයට පත් කරමින් අදාළ මුලික විරෝධතාවයන් ප්රතික්ෂෙප කළ මහෙස්ත්රාත්වරිය චෝදනාවන් කියවාදීම සඳහා අදාළ පෞද්ගලික රෝහලේ අධක්ෂවරුන් උසාවියට කැඳවීමට නියම කළාය.
එලෙස අධිකරණයට කැඳවන ලද්දේ අදාළ පෞද්ගලික රෝහලේ අධක්ෂවරුන් වන අශෝක පතිරගේ. මංජුල කරුණාරත්න. සුදර්ශන් අහංගම. හැරිස් ප්රේමරත්න. සිවකුමාර් සෙල්ලයියා. හරේෂ් කුමාර් කයිමාල්. අජිත් කරුණාරත්න. ඉන්දියානු ජාතිකයින් වන විශාල් බාලී. අන්තූර් නාන්ද් තදානි සහ අදාළ පෞද්ගලික රෝහලේ සේවිකාවක් වන බී.ඩී. සඳතිසරු නමැත්තන්ය.
නඩුව කැඳවනු ලැබු අවස්ථාවේදී අදාළ පෞද්ගලික රෝහලේ අධක්ෂවරුන් කිසිවෙකුත් අධිකරණයේ පෙනී නොසිටි අතර පෞද්ගලික රෝහලේ නියෝජිතවරයෙකු සහ සේවිකාවක් වන බී.ඩී. සඳතිසරු මහත්මිය පමණක් අධිකරණයේ පෙනී සිටියහ.
නේවාසික රෝගියකුට වැඩි මිලට ඖෂධ විකිණීම සම්බන්ධයෙන් කොළඹ ප්රධාන පෙළේ පෞද්ගලික රෝහලක් වන ආසිර රෝහලට සහ එහි අධක්ෂවරුන්ට එරෙහිව පවරා තිබු නඩුවේදී මාලිගාකන්ද වැඩබලන මහෙස්ත්රාත් හිමාලි ඒකනායක මහත්මිය 2024 ජනවාරී 17 වැනිදා රුපියල් 25000/-ක දඩයක් නියම කරමින් දුන් නියෝගය දෝෂ සහගත බව මීට පෙර අවස්ථාවකදී තීන්දු කරමින් මාලිගාකන්ද හිටපු ප්රධාන මහේස්ත්රාත් ලෝචනි අබේවික්රම වීරසිංහ මහත්මිය දුන් නියෝගයකට අනුව මෙම නඩු කටයුතු යළි මුල සිට ආරම්භ කිරීමට නියම විය.
නුගේගොඩ හයිලෙවල් පාරේ පදිංචි සනත් කුමාර අතුකෙකා්රල මහතා සෞඛ්ය අමාත්යංශයට කරන ලද පැමිණීල්ලකින් අනතුරුව ජාතික ඖධෂ නියාමන අධිකාරියේ ආහාර ඖෂධ පරීක්ෂක මහින්ද සිරිකුමාර මහතා විසින් කොළඹ ප්රධාන පෙළේ පෞද්ගලික රෝහලක අධක්ෂවරුන්ට එරෙහිව නඩු පවරා තිබිණී.
2023 පෙබරවාරී 07 වැනිදාත් 19 වැනිදාත් අතර කාලය තුළ නාරාහේන්පිට ප්රදේශයේ පිහිටි පෞද්ගලික රෝහලේ නේවාසිකව ප්රතිකාර ලබමින් සිටි සමරකෝන් මුදියන්සේලාගේ මන්ත්රී කුමාරිහාමි මහත්මියට උපරීම සිල්ලර මිලක් නියම කර ඇති ඖෂධ එම උපරීම සිල්ලර මිලට වඩා වැඩිමිල ගණන් යොදා මුදල් අයකළ බවට ඖධෂ නියාමන අධිකාරි පනත යටතේ විත්තිකාර රෝහලට” එහි අධ්යක්ෂවරුන්ට සහ සේවකයින් එකොළොස් දෙනාට එරෙහිව වෙන් වෙන්ව චෝදනා 11 බැගින් ජාතික ඖෂධ නියාමන අධිකාරියේ ආහාර හා ඖෂධ පරීක්ෂක මහින්ද සිරිකුමාර මහතා නඩු පවරා ඇත.
ජාතික ඖධෂ නියාමන අධිකාරිය මෙම නඩුව පැවරූ පසු 2024 ජනවාරී මස 23 වැනිදා අධිකරණයේ පෙනී සිටින ලෙස නියම කරමින් විත්තිකරුවන්ට නොතිසි නිකුත් කර තිබියදී ප්රධාන මහෙස්ත්රාත්වරිය රාජකාරි නිවාඩු ගත් 2024 ජනවාරී 17 වැනිදා මෝෂමක් මාර්ගයෙන් වැඩබලන මහෙස්ත්රාත් හිමාලි ඒකනායක මහත්මිය හමුවට අදාළ සමාගමේ බලයලත් නියෝජිතවරයකු වශයෙන් කැලුම් ගිමේන්ත්ර ජයසුරිය නමැත්තා ඉදිරිපත් වී අදාළ චෝදනාවන්ට වරද පිළිගැනමෙන් පසු ඔහුට රුපියල් 25000/-ක දඩයක් නියම කොට තිබු අතර දඩ මුදල නොගෙවුවහොත් මාස 06ක සිරදඬුමකට ඔහු යටත් කෙරිණී.
නේවාසික රෝගියකුට වැඩි මිලට ඖෂධ විකිණීම සම්බන්ධයෙන් කොළඹ ප්රධාන පෙළේ පෞද්ගලික රෝහලකට සහ එහි අධක්ෂවරුන්ට එරෙහිව පවරා ඇති තිබු නඩුවේදී මාලිගාකන්ද වැඩබලන මහෙස්ත්රාත්වරිය දුන් නියෝගය දෝෂ සහගත බවට අගතියට පත් සනත් කුමාර අතුකෙකා්රල මහතා කළ පැමිණල්ලක් සම්බන්ධයෙන් විමර්ශනය කිරීමෙන් අනතුරුව වැඩබලන මහෙස්ත්රාත්වරිය දුන් නියෝගය දෝෂ සහගත බව තීරණය කරමින් මාලිගාකන්ද හිටපු ප්රධාන මහේස්ත්රාත් ලෝචනි අබේවික්රම වීරසිංහ මහත්මිය දුන් නියෝගයකට අනුව නඩු කටයුතු මුලසිට යළි ආරම්භ කෙරිණී”
අදාළ තීරණය ප්රකාශයට පත් කිරීමෙන් අනතුරුව විත්තිකරුවන්ට එරෙහි චෝදනා කියවාදීමට සුදානම් වු අවස්ථාවේදී විත්තිකාර රෝහල සහ එහි අධ්යක්ෂවරු වෙනුවෙන් පෙනීසිටි නීතීඥ ජීවන්ත ජයතිලක මහතා මුලික විරෝධතාවයක් ඉදිරිපත් කරමින් ඖෂධ නියාමන අධිකාරි පනත යටතේ යම් වරදක් වීමෙන් මාස 03ක කාලයක් ඇතුලත නඩු පැවරිය යුතු බව සඳහන් කර ඇතත් මෙම නඩුව පවරා ඇත්තේ සිද්ධියෙන් මාස 09කට පසුව වන හෙයින් මෙම නඩුව කාලාවරෝධයට හසුව ඇතැයි කීය.
නියමිත කාලයට පසුව ගොනු කර ඇති මෙම නඩුව කාලාවරෝධයට හසුව ඇති හෙයින් මෙම නඩුව පවරා පවත්වාගෙන යෑමට හෝ විමසීමට අධිකරණයට බලයක් නොමැකි බව පෙන්වා දෙමින් නඩුව නිශ්ප්රභ කරන්නැයි නීතීඥවරයා ඉල්ලා සිටියේය.
පැමිණීල්ල වෙනුවෙන් පෙනී සිටි නියෝජ්ය සොලිසිටර් ජනරාල් ලක්මිණී ගිරිහාගම මෙනවිය ඊට එරෙහිව දීර්ඝ වශයෙන් කරුණු ඉදිරිපත් කරමින් මෙම නඩුව කාලාවරෝධයට හසුව නොමැති හෙයින් විත්තියේ මුලික විරෝධතාවය ඉවත දමා විත්තිකරුවන්ට චෝදනා කියවා දීමට පියවර ගන්නැයි ඉල්ලා සිටියාය.
සිද්ධියෙන් අගතියට පත් සනත් කුමාර අතුකෝරල මහතා වෙනුවෙන් පෙනී සිටි නීතීඥ රංජිත් හීල්ලගේ මහතාද කරුණු දක්වමින් නඩුව කැඳවීමට නියමිතව තිබු දිනටත් කළින් ඉතාමක් හදිසියේ උසාවියට පැමිණ වරද පිළිගෙන නඩුව අවසන් කර ගැනීමට කටයුතු කළ විත්තිකරුවන්ට දැන් සිය ස්ථාවරය වෙනස් කිරීමට හැකියාවක් නැතැයිද අධිකරණ බලය පිළිබඳ විරෝධතාවයක් ඇත්නම් මුලින්ම එය ඉදිරිපත් කළ යුතු බවත් ප්රතිබන්ධන නීතීය අනුව මුල් ස්ථාවරය සමඟ පසු ස්ථාවරය බන්ධනය වන බවත් පෙන්වා දුන්නේය.
මුලින් හදිසියේ නඩුව අවසන් කර ගැනීමට උත්සහ කළ විත්තිකරුවන් දැන් විවිධ තර්ක ඉදිරිපත් කරමින් නඩුව ඇඳගෙන යෑමට උත්සහ කරන බවක් පෙනෙන්නට ඇතැයිද සඳහන් කරමින් නීතීඥ රංජිත් හීල්ලගේ මහතා දීර්ඝ වශයෙන් කරුණු ඉදිරිපත් කෙරිණී.
ඉදිරිපත් වු සියලු කරුණු මෙන්ම ලිඛිත දේශණද සළකා බැලීමෙන් අනතුරුව තීන්දුව ප්රකාශයට පත් කරමින් විත්තිකාර පෞද්ගලික රෝහල සහ එහි අධක්ෂවරුන් වෙනුවෙන් ඉදිරිපත් කළ මුලික විරෝධතාවයන් ප්රතික්ෂෙප කරන බව දැනුම් දුන්නාය.
පැමිණීල්ල වෙනුවෙන් ජාතික ඖෂධ නියාමන අධිකාරියේ හිටපු ආහාර හා ඖෂධ පරීක්ෂක මහින්ද සිරිකුමාර මහතා සමඟ පෙනී සිටි එම අධිකාරියේ නීතී නිලධාරී නීතීඥ උදේශිකා ලක්ෂානි මහත්මිය කරුණු දක්වමින් විත්තියේ මුලික විරෝධතාවය ප්රතික්ෂෙප කර ඇති හෙයින් චෝදනාවන් කියවාදීම සඳහා අදාළ පෞද්ගලික රෝහලේ අධක්ෂවරුන් උසාවියට කැඳවීමට නියම කරන්නැයි ඉල්ලා සිටියාය.
ඉල්ලීම පිළිගනිමින් චෝදනාවන් කියවාදීම සඳහා අදාළ පෞද්ගලික රෝහලේ අධක්ෂවරුන් උසාවියට කැඳවීමට නියම කළ මහේස්ත්රාත්වරිය නඩුව කැඳවීමටද නියම කළාය.
පැමිණීල්ල වෙනුවෙන් ජාතික ඖෂධ නියාමන අධිකාරියේ හිටපු ආහාර හා ඖෂධ පරීක්ෂක මහින්ද සිරිකුමාර මහතා සමඟ එම අධිකාරියේ නීතී නිලධාරී නීතීඥ උදේශිකා ලක්ෂානි මහත්මිය පෙනී සිටියාය.
සිද්ධියෙන් අතෘප්තියට පත් සනත් කුමාර අතුකෝරල මහතා වෙනුවෙන් නීතීඥවරුන් වන උදාර විජේසිංහ සහ රන්දුණු හීල්ලගේ මහත්වරු සමඟ නීතීඥ රංජිත් හීල්ලගේ මහතා පෙනී සිටියේය.
විත්තිකාර පෞද්ගලික රෝහල සහ එහි අධ්යක්ෂවරු වෙනුවෙන් නීතීඥ නිලංක පොල්ගම්පොළ සහ රලිත අමරසේන මහත්වරුන් සමඟ නීතීඥ ජීවන්ත ජයතිලක මහතා පෙනී සිටියේය.
