අධ්යාපනය යනු මූලික හා මානව අයිතිවාසිකමක් ලෙස සිතිය යුතු දෙයක් බවත් අප රටේ ආණ්ඩුක්රම ව්යවස්ථාවේ අධ්යාපනය මූලික අයිතිවාසිකමක් ලෙස නොපැවතියත් 6 වැනි පරිච්ඡේදයේ රාජ්ය ප්රතිපත්ති සම්බන්ධව අධ්යාපනය ගැන සඳහන් බවත් මෙහි නූගත්කම තුරන් කිරීම අරමුණක් ලෙස දක්වා ඇති නමුත් 29 වැනි වගන්තිය යටතේ එය අභියෝග කරන්න බැරි බව දක්නට ලැබෙන බවත් ආණ්ඩුක්රම ව්යවස්ථාවෙන් පවා අධ්යාපනයට කුඩම්මාගේ සැලකිල්ල දී ඇති නිසා ව්යවස්ථා සංශෝධනයක් හරහා අධ්යාපනය මූලික අයිතිවාසිකමක් විය යුතු බවත් විපක්ෂ නායක සජිත් ප්රේමදාස මහතා පැවසීය.Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ විපක්ෂ නායක කාර්යාලයේ දී ‘නිදහස් අධ්යාපනය සුරක්ෂා කිරීමේ පොදු වේදිකාව’ සකස් කිරීමේ අවස්ථාව හා එක්වෙමිනි.
මේ වන විට අප රටේ අධ්යාපනය ඛේදනීය තත්ත්වයකට පත්ව ඇති බවත් 2026 වසරේ 6 ශ්රේණියේ විෂය නිර්දේශ අසාර්ථකත්වය ගැන බොහෝ අවධානය යොමු වුවත් පාසල්, විශ්වවිද්යාල, තෘතීයික අධ්යාපනය ඇතුළු සමස්ත අධ්යාපනයේ කඩා වැටීමක් ද සිදුව ඇති බවත් අධ්යාපනයේ ඇති අර්බුධය ඊයේ පෙරේදා ගත් තීන්දුවලින් අවසන් නොවන බවත් අධ්යාපනයේ අර්බුධය ආරම්භ වූයේ නිසි සාකච්ඡාවකින් සංවාදයකින් තොරව සහභාගීත්ව ක්රමවේදයක් තුළ ක්රියාත්මක නොවීම නිසා බවත් මේ හේතුවෙන් ඉතාමත්ම ගැඹුරින් මේ මාතෘකාව ගැන අවධානය යොමු කර පටු දේශපාලන මතිමතාන්තර ඉවත් කර රටේ අධ්යාපනය 41 ලක්ෂයක් පාසල් දූදරුවන්ගේ නිදහස් අධ්යාපනය සහ විශ්වවිද්යාල අධ්යාපනය ඇතුළු සමස්ත අධ්යාපන අයිතිය සුරක්ෂිතව නිදහස් නිවහල් නොමිලේ ගුණාත්මක භාවයකින් ඉහලව දූදරුවන්ට ලබා දිය යුතු බවත් විපක්ෂ නායකවරයා පැවසීය.
අධ්යාපනය සම්බන්ධ සාකච්ඡා අපක්ෂපාතීව සිදුවිය යුතුයි
සාකච්ඡා පුළුල් ලෙස ක්රියාත්මක කර අද ඇති බරපතල ගැටලුවලට සාධනීය විසදුම් එක් කතාවකින් එක් වාරයකින් සාකච්ඡාවකින් එක් දවසකින් තොරව විධිමත් සාකච්ඡාවලින් පසුව අපක්ෂපාතීව එය ක්රියාත්මක කරන බවත් විෂය නිර්දේශ මෙන්ම ස්වාධින ගුනාත්මකභාවය සහතික කිරිම ද නියමු ව්යාපෘති ක්රියාත්මක කිරීම ජාතික අධ්යාපනය ආයතනය අධ්යාපනය අමාත්යාංශය ආදිය ක්රියාත්මක වීම ආදිය සාර්ථක කරන්න නිරන්තර පොදු වේදිකාව විපක්ෂ නායක කාර්යාලයේ ක්රියාත්මක කරන බවත් එය කාමරයක සිදු කරන සාකච්ඡාවකට අමතරව පළාත් 9ම පරිපාලන දිසත්රික් 25ම ප්රාදේශිය ලේකම් කාර්යාල මට්ටමින් පවා ක්රියාත්මක කරන බවත් විපක්ෂ නායකවරයා පැවසීය.
අධ්යාපනය ප්රතිසංස්කරණය විය යුත්තේ සියලු ජන කොට්ඨාසයන්ට අදාළවයි
ග්රාමීය උතුරු නැගෙනහිර වැඩි අවධානයක් යොමු නොවු කොට්ඨාස පවා ඉලක්ක කර ගෙන මෙම ප්රතිසංස්කරණ ක්රියාත්මක විය යුතු බවත් ප්රභූ සහ මුදල් ඇති අය පමණක් නොව ජන සමාජයේ සෑම තලයක්ම නියෝජනය වන ආකාරයට මේ අධ්යාපන ප්රතිපත්ති සකස් විය යුතු බවත් මෙතෙක් සිදුවූ හානිය වළක්වා ගන්න සියලු දෙනාගේ සහයෝගයෙන් කටයුතු කරන බවත් විපක්ෂ නායකවරයා පැවසීය.
ආණ්ඩුවට බැරි වුණ White paper, Green paper අපි නිර්මාණය කරන්නම්
පාසල් සිසුන්ට සුහුරු අධ්යාපනය සදහා ප්රවේශය ලබා දිය යුතු බවත් එහිදී නියම ආරක්ෂිත ක්රමවේද සහිතව සුහුරු උපකරණ දරුවන්ට ලබා දිය යුතු නිසා නිදහස් නිවහල් අධ්යාපන සංකල්පයක් නිර්මාණය කර white paper එකක් ලෙස සකස් කර රජයට ලබා දෙන බවත් රජය තවමත් මේ ධවල පත්රිකා හරිත පත්රිකා ආදිය ඉදිරිපත් කර නොමැති වුවත් විපක්ෂ නායක කාර්යාලයේ මැදිහත්වීමෙන් හෝ එවැනි ලේඛනයක් සකස් කරන බවත් මේ ජාතික සංග්රාමයට සියලු දෙනා සූදානම් වන බවත් රටේකම ගමේකම අපේකම සංස්කෘතිය සභ්යත්වය රැකගෙන නූතන අධ්යාපන ක්රමයක් සකස් කළ යුතු බවත් මේ හරහා සුහුරු පුරවැසි පරපුරක් නිර්මාණය කළ යුතු බවත් විපක්ෂ නායකවරයා වැඩිදුරටත් පැවසීය.
