අමාත්යාංශ 28කින් සහ රාජ්ය අමාත්යාංශ 40කින් සමන්විත අමාත්යාංශ ව්යුහය අති විශේෂ ගැසට් නිවේදනයක් මගින් ප්රකාශයට පත් කර ඇති බව ජනාධිපති මධ්ය අංශය නිවේදනය කළේය.
ජනාධිපතිවරයා සහ අග්රාමාත්යවරයා විසින් හොබවනු ලබන අමාත්යාංශ ද ඊට අයත් වේ.
අමාත්යාංශ සංයුතිය, විෂය පථය, අදාළ ආයතන සහ බලපවත්නා නීති හා අණ පනත් සඳහන් ගැසට් නිවේදනය අද (10) සවස ප්රකාශයට පත් කළ බවද එහි සඳහන් වේ.
අමාත්යාංශ සකස් කිරීමේ දී ජාතික ප්රමුඛතා, ප්රතිපත්තිමය වගකීම් සහ කාර්යභාරය සැලකිල්ලට ගෙන තිබේ.
එක් එක් අමාත්යාංශයට අයත් පුළුල් කාර්යභාරය අනුව සුවිශේෂ ප්රමුඛතා සපුරා ගැනීම සහ අදාළ වැඩසටහන් ක්රියාත්මක කිරීම පහසු වන පරිදි රාජ්ය අමාත්යාංශ සකස් කර ඇත.
අමාත්යාංශ ව්යුහය සැකසීමේ දී ජාතික ආරක්ෂාව, ආර්ථික සංවර්ධනය, යටිතල පහසුකම්, අධ්යාපනය, සෞඛ්යය හා ක්රීඩා යන ක්ෂේත්ර කෙරෙහි විශේෂ අවධානය යොමු කර තිබේ.
එකී ව්යුහය මගින් ග්රාමීය හා කෘෂිකාර්මික සංවර්ධනයේ මෙන්ම අධ්යාපන ක්ෂේත්රයේ ද පැතිකඩ ගණනාවක් ආවරණය කර ඇති බව ජනාධිපති මාධ්ය අංශය සඳහන් කළේය.
සෑම අමාත්යාංශයකම විෂය පථය, සුවිශේෂ ප්රමුඛතා, අදාළ ආයතන සහ නීති රාමුව අනු මාතෘකා යටතේ පැහැදිලි කර තිබේ.
කෙසේවෙතත් මෙහිදී තම විෂයන්ට අදාළව කැබිනට් පත්රිකා ඉදිරිපත් කිරීමේ බලය රාජ්ය අමාත්යවරුන්ටද ලබා දීමට ජනාධිපතිවරයා සූදානමින් සිටින බවද වාර්තා වේ.
එහිදී අදාළ කැබිනට් පත්රිකාව පිළිබදව කැබිනට් මණ්ඩලයට පැමිණ පැහැදිලි කිරීමේ අවස්ථාවද රාජ්ය අමාත්යවරුන්ට ලබා දීමට ජනාධිපතිවරයා සූදානමින් සිටින බව දැනගන්නට ඇත.
