මේ වෙන සිද්ධි ඇතුළේ ආණ්ඩුවට ලොකු පණිවුඩයක් තියෙනවා. ඒක කියවාගන්න, නැත්නම් පත්කරන්න බර ඇදපු අපි වගේ එවුන්ගේ රෙදි නැතුව යනවා.
විශේෂයෙන් ආයතනවලට පත්කරපු එවුන්ගේ ශක්යතාව ටෙස්ට් කරපු ක්රමවේදය වැරදියි. බොලා ලකුණු වැඩිපුරම දීලා තියෙන්නේ පක්ෂයේ වසර කීයක් ක්රියාකාරීව හිටියාද කියන එක මත මිසක් උන්ගේ විෂයේ ප්රාගුණ්යය ගැන හොයලා නෑ.Sri Lanka Latest News
එක එකා කියන දේ අහලා දානවා ආයතනවලට. ඊට පස්සේ හෙන ගැම්මට ගිහින් පත්වීම ගන්නවා. හතරවරං තමයි අන්තිමට. ඒකෙන් පළු යන්නේ උන්ගේ නෙමෙයි, ආණ්ඩුවේ.
යකෝ.. ඕක අවුරුදු 5ක කොන්ත්රාත් එකක්. පක්ෂේ හිටියා, උපාධිත් තියෙනවා කිව්වට උන් ඇත්තටම විෂය ඇතුළේ කරපු ලබ්බක් නෑ. කැම්පස් කාලෙත් දේශපාලනේ විතරක් කළා විතරක් වගේ. පත්වීම දීලා වතුරට දැම්මම කකුල් මැඩ්ලිං ගහනවා කරගන්නේ කොහොමද කියලා.
හරි සරලයි නේ බං. පක්ෂ පාට නැතුව වැඩ්ඩෙක් ඉන්නවා නම් ෆීල්ඩ් එකේ ඌව කන්සල්ටන්ට් කරගෙන වැඩ කරන්න නිහතමානී වෙයං.
මේ අවස්ථා ආයේ කපේදී හම්බෙන්නෑ. එන්.අයි.ඊ. එකේ ඉන්න එවුන් කරන හැම එකම ඇමැතිට බලන්න බෑ කියලා දන්නව නේ. ඒ නිසා ඒකිට බැනලා උඹලගේ බාල ඇරියස් කවර් කරන්න එපා.
ඔය පොත් හදන්න වෙනම විශේෂඥයෝ කියලා ජාතියක් උඹලම පත්කරලා තියෙනවනේ. උන්ගේ කෙරුවාව තමයි ඔය. ඔය හත්තිලව් ඔක්කොම කරන්නේ පඩියට රස්සාවක් මිසක් කෙරෙන්න ඕනෙ වැඩේ නෙමෙයි. ඒකයි මං කිව්වේ ඔය ගොඩක් තැන්වලට දාපු හත්තිලව් කොරන හැටි තමයි. අන්තිමට යන එනමං නැතුව ඉන්න කාලකණ්ණි ඕක අරන් පෙරහැරේ යනවා. දැන් ඔය ෆේක් බුකිකාරයෝ රැයක් දවාලක් නැතුව හෙන හෑලි ලියනවා. ඒවාට කොමෙන්ට් කරනවා. ඔක්කොම ප්රොෆයිල් බ්ලොක් කරගෙන. මේ ඔක්කොම බොලාගෙම වැරදි.
මේ ළඟදී මට මරු වැඩක් වුණා. මම ඉල්ලුවා ඇමැති කෙනෙක්ගෙන් ඇපොයින්ට්මන්ට් එකක්. ඉතා වැදගත් කාරණාවකට. දේශපාලන අධිකාරිය හරහා. දවස් කීපයකින් මට දන්නා අංකයකින් උදේ 10ට කතාකරලා කියනවා ඔබතුමාගේ ඇපොයින්ට්මන්ට් එක අද 12ට තියෙනවා එනවා නේද කියලා. දන්නා නොම්මරයක් නිසා මම ඇයට කිව්වා පුතා 10ට කතාකරලා 12ට එන්න කියන්නේ මම නිකං ඉන්න මිනිහෙක් කියලා හිතුවද? ඕක දවස් කීපයකට කලින් කිව්වා නම් මට එන්න තිබුණා කියලා. ඒකි කියපි, එහෙනම් ඔබතුමාට අද එන්න බෑනේ ඇපොයින්ට්මන්ට් එක කැන්සල් කරනවා කියලා. මං හා කිව්වා. ඔය කතාකරපු එකී දන්නවා මං කවුද කියලා. කරන්නේ මොනවද කියලත් දන්නවා. මීට කලින් ඇය හිටපු ආයතනයෙන් මට කතාකළේ සර් කියලා හෙන ගෞරවයෙන්. මට ඔය ගෞරව නම් ඕන්නෑ. කියවන උන් දන්නවා මගේ හැටි. හිටපු තැනින් ඇමැතිගේ කෝඩිනේටර් තත්ත්වය ලැබුණම මුන් යන උඩ.
ඔන්නෝම හාල්කෑලි කරන වැඩවලින් ඇමැතිගේ ඉඳන් ආණ්ඩුවේම පටි රෝල් වෙනවා. උඹලා මාත් එක්ක ඔරොප්පු වෙන්නෙපා. මේ ආණ්ඩුව ගේන්න ඔය හාල් කෑලිවලට වඩා අපි වැඩ කළා. ඒ නිසා නිදහස් වෘත්තිකයෝ එක්ක ගනුදෙනු කරද්දී ටිකක් සැලකිලිමත් වෙයල්ලා. අපි වැඩ කරන්නේ රටට මිසක්, ඒකේ කලර් එක ගන්න ආණ්ඩුව ටැක්ට්ෆුල් වුණොත් හොඳයි. තරහක් නෑ. කෙළවෙන්න ගියොත් ආයෙත් සීන් එකට බැහැලා බෙල්ල දෙන්නෙත් අපි වගේ එවුන් තමයි.
ස්තුතියි කියෙව්වාට. දවස් ගානක් හිරකරං හිටපු කතාවක් ලිව්වා… ආදරෙයි පැළෙන්න…
නිලන්ත ලියනගේ
