දිට්වා සුලි කුණාටුවෙන් නායයෑමට ලක් වූ නාවලපිටිය මහනුවර ප්රධාන මාර්ගය අද(15) උදෑසන 7:00 සිට රථවාහන ගමනා ගමනය සඳහා විවෘත කර තිබෙනවා. ඒ දින 18කට පසුවයි.Sri Lanka Latest News
මාර්ගය අලුත්වැඩියා කිරීමේ කටයුතු මාර්ග සංවර්ධන අධිකාරිය 06 වන කාරක ඉංජිනේරු රෙජිමේන්තුව මාර්ග සංවර්ධන අධිකාරිය නාවලපිටිය හා ඇත්ගාල පොලිස් ස්ථාන, පස්භාගේ කෝරලේ ප්රාදේශීය සභාව නාවලපිටිය නගර ඇතුළු පාර්ශව කිහිපයක සහභාගීත්වයෙන් සිදුකෙරුණා.
නයායෑම නිසා මාර්ගයට වැටි තිබූ පස් ඉවත් කර මාර්ගය සකස් කර ඇති අතර මාර්ගයට ඉහලින් පස්කන්ද නායයාමේ අවදානමක් පවතින නිසා ඒ සඳහා ස්ථිර විසඳමක් ලබා දෙනතුරු ආරක්ෂිතව ගමනාගමනයට හැකිවන ආකාරයෙන් මාර්ගයේ නිර්මාණය කර ඇති බවත්, මෙම ස්ථානයේ කටයුතු අවසන් වන තුරු සුපරීක්ෂාකාරී ලෙස මාර්ගයෙ රිය ධාවනය කරවන ලෙසත් මාර්ග සංවර්ධන අධිකාරිය රියදුරන්ගෙන් ඉල්ල සිටිනවා.
ජනාධිපති අනුර කුමාර දිසානායක සහ අමාත්ය බිමල් රත්නායක යන මහත්වරුන්ගේ උපදෙස් පරිදි මාර්ග පද්ධතිය කඩිනමින් යථා තත්වයට පත් කිරිමට ශ්රී ලංකා යුද හමුදාවේ උපරිම ශක්තිය යෙද වූ බව යුධ හමුදාවේ නිළධාරියෙකු පවසා සිටියා.
