හෙලිකොප්ටර් අනතුරින් මියගිය ගුවන් නියමු ගෲප් කැප්ටන් නිර්මාල් සියඹලාපිටිය මහතාගේ දේහයට ජනපති අවසන් ගෞරව දක්වයි..Sri Lanka Latest News
ආපදාවෙන් විපතට පත් ජනතාවට සහන සලසමින් සිටියදී වෙන්නප්පුව, ලුණුවිල ප්රදේශයට හදිසි ගොඩබෑමක් සිදුකළ හෙලිකොප්ටර් යානයේ සිට ජීවිතක්ෂයට පත්වූ ගුවන් නියමුවාට අවසන් ගෞරවය දැක්වීමට විපක්ෂ නායක සජිත් ප්රේමදාස මහතා අද ඔහුගේ නිවසට පැමිණියේය.
ශ්රී ලංකා ගුවන් හමුදාවට අයත් Bell 212 හෙලිකොප්ටර් යානයක් ලුණුවිල ප්රදේශයේදී හදිසි ගොඩබෑමක් සිදුකිරීමට යාමේදී අනතුරට පත්වීම හේතුවෙන් එහි ප්රධන ගුවන් නියමුවා ලෙස කටයුතු කල විංග් කමාන්ඩර් නිර්මල සියඹලාපිටිය මහතා ජීවිතක්ෂයට පත් විය.
අයහපත් කාලගුණ තත්ත්වය හේතුවෙන් පීඩාවට පත් ජනතාවට ආහාර ද්රව්ය බෙදා දීමේ මෙහෙයුම්වල නිරතව සිටියදී සියඹලාපිටිය මහතා අනතුරට මුහුණ දුන්නේය. එහිදී හෙලිකොප්ටර් යානය ඒ අසල ඇළකට වැටී අනතුරට පත්වූ අතර එම අවස්ථාවේ යානයේ ගුවන් නියමුවන් දෙදෙනා ඇතුළු ගුවන් හමුදා සාමාජිකයින් 5 දෙනෙකු සිට ඇති අතර ප්රදේශවාසින් සහ පොලීසිය එක්ව ඔවුන් කඩිනමින් මුදාගෙන මාරවිල රෝහලට ඇතුළත් කර තිබුණි.
