‘අරුණ’ පුවත්පතේ පළවූ ‘ග්රාම නිලධාරී සහතිකය මදි පොලිස් වාර්තා ගන්න මහජන කමිටු ප්රධානීන්ගේ අනුමැතිය ඕනෑ’ යන ප්රවෘත්තිය සම්බන්ධයෙන් කටඋත්තරයක් ලබාදීම සඳහා එම පුවත්පතේ ප්රධාන කර්තෘවරයා අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස දැනුම් දී ඇත.Sri Lanka Latest News
ඉහත ප්රවෘත්තිය සම්බන්ධයෙන් ලද පැමිණිල්ලකට අදාළව කෙරෙන විමර්ශනය සඳහා අපරාධ පරීක්ෂණ දෙපාර්තමේන්තුව හමුවේ පෙනී සිටින ලෙස අපරාධ පරීක්ෂණ දෙපාර්තමේන්තුවේ අධ්යක්ෂ වෙනුවට එම දැනුම්දීම කර ඇත්තේ සහකාර පොලිස් අධිකාරීවරයා විසිනි.
මෙම ප්රවෘත්තිය සම්බන්ධයෙන් විපක්ෂ නායක සජිත් ප්රේමදාස පාර්ලිමේන්තුවේ ප්රබල හඬක් මතු කළ අතර එම ප්රවෘත්තියේ සත්යතාවය වෙනුවෙන් තොරතුරු සහිතව පෙනී සිටියේය. එම ප්රවෘත්තියේ සත්යතාවය තහවුරු කිරීමට තම ආයතනවල පවතින තත්ත්වයත් උදාහරණයට ගනිමින් විපක්ෂයේ මන්ත්රිවරු තොරතුරු හෙළි කරනු ලැබීය.
එසේ තිබියදීත් පුවත්පත් කර්තෘවරයා අපරාධ පරීක්ෂණ දෙපාර්තමේන්තුවට කැදවීම සම්බන්ධයෙන් සිය විරෝධය පළකරමින් විපක්ෂනායක සජිත ප්රේමදාස මහතා අද දිනයේ විශේෂ X පණිවුඩයත් තබා තිබේ.
එය පහත පළවේ.
‘මා පාර්ලිමේන්තුවේදී ප්රකාශ කළ දේ නැවත අවධාරණය කරමි. පොලිස් ආරක්ෂක නිෂ්කාශන සහතික ලබා ගැනීම සඳහා සිවිල් ආරක්ෂක කමිටු සභාපතිවරුන්ගේ අනුමැතිය අවශ්ය වන බවට විශේෂිත උදාහරණ 2ක් සහිතව ඉදිරිපත් කරන ලද කරුණ සත්ය තත්ත්වයයි. තත්ත්වය එසේ තිබියදීත් විපක්ෂයේ සිටියදී අසීමිත මාධ්ය නිදහසක් වෙනුවෙන් පෙනී සිටි අනුර කුමාර දිසානායක ඔහුගේ පාලනය තුල පුවත්පත් කතුවරුන් අපරාධ පරීක්ෂණ දෙපාර්තමේන්තුව වෙත ගෙන යන පියවරක් ගෙන තිබේ. මෙය මාධ්ය නිදහස යටපත් කිරීමට දරන පැහැදිලි උත්සාහයකි. මෙම පිළිකුල් සහගත ක්රියාව දැඩිව හෙළා දකිමි.’
I reiterate what I said in parliament. 2 specific examples of the requirement for chairman of the civil security committees to give their approval to obtain police security clearance certificates is the factual truth. Despite that the AKD administration that championed unbridled… https://t.co/ZkBDxnN1z5
— Sajith Premadasa (@sajithpremadasa) November 24, 2025
