කෙහෙල්බද්දර පද්මේ ඇතුළු පාතාල අපරාධකරුවන් කණ්ඩායමක් අල්ලාගෙන මෙරටට රැගෙන ඒමට බස්නාහිර පළාත් උතුරු දිසා අපරාධ කොට්ඨාසයේ අධ්යක්ෂ, සහකාර පොලිස් අධිකාරී රොහාන් ඔලුගල සහ අපරාධ පරීක්ෂණ දෙපාර්තමේන්තුවේ සහකාර පොලිස් අධිකාරී මහින්ද ජයසුන්දර මහත්වරුන් ඉන්දුනීසියාවට ගොස් සිටියදී ඒ බව පාතාල අපරාධකරුවන්ට තොරතුරු ලැබුණු හැටි අපරාධ පරීක්ෂණ දෙපාර්තමේන්තුව විසින් සිය විමර්ශන ඔස්සේ අනාවරණ කරගෙන තිබේ. Sri Lanka Latest News
පොලිස්පති නීතිඥ ප්රියන්ත වීරසූරිය මහතාගේ නියෝගයෙන් මේ සම්බන්ධයෙන් විමර්ශන ආරම්භ කරනු ලැබුවේ මේ මෙහෙයුම ගැන තොරතුරු පාතාලයට දුන් පොලිස් නිලධාරියාට එරෙහිව දැඩි පියවර ගැනීමේ අපේක්ෂාවෙනි.
දීර්ඝ ලෙස කෙරුණු විමර්ශනයේදී අපරාධ පරීක්ෂණ දෙපාර්තමේන්තුව විසින් හෙලිකරගෙන ඇත්තේ ඉන්දුනීසියාවේ ඒ වනවිට රැඳී සිටි පාතාල කල්ලියේ සමීපතමයකුට යම් පොලිස් නිලධාරියෙක් මගින් එම තොරතුර පිටව ඇති බවයි.
මෑතකදී සිදුකළ පාතාල අපරාධකරුවන් කොටුකර ගැනීමේ හා මත්ද්රව්ය ජාවාරම්කරුවන් මත්ද්රව්ය සමග අත්අඩංගුවට ගැනීම සම්බන්ධයෙන් මේ නිලධාරියා සක්රීයව දායකත්වය දෙමින් සිටින අයෙකි.
මේ තත්ත්වය මත අදාළ විමර්ශන කටයුත්ත නමට පමණක් සීමාවී ඇති බව පොලිස් තොරතුරු සඳහන් කළේය.
ගයාන් කුමාර වීරසිංහ -දිනමිණ
