රේගු පරීක්ෂාවකින් තොරව පිට කරන ලදයි කියන කන්ටේනර් 323 සම්බන්ධයෙන් සොයාබැලීමට පාර්ලිමේන්තුවෙන් පත්කිරීමට යන විශේෂ කාරක සභාවට විපක්ෂයේ පාර්ලිමේන්තු මන්ත්රීවරුන් නම් කර තිබෙනවා.Sri Lanka Latest News
ඒ අනුව විරුද්ධ පක්ෂයේ පාර්ලිමේන්තු මන්ත්රීවරුන් වන අජිත් පී.පෙරේරා ,මුජිබර් රහුමාන්, දයාසිරි ජයසේකර,ෂානක්කියන් රාසමාණික්කම් යන මන්ත්රීවරුන් මෙම පාර්ලිමේන්තු විශේෂ කාරක සභාවට නම් කිරීමට තීරණය කළ බව විරුද්ධ පක්ෂයේ ප්රධාන සංවිධායක පාර්ලිමේන්තු මන්ත්රී ගයන්ත කරුණාතිලක සඳහන් කරනවා.
ගයන්ත කරුණාතිලක මන්ත්රීවරයා වැඩිදුරටත් කියා සිටියේ මෙම මන්ත්රීවරුන් සිව් දෙනාගේ නම් විපක්ෂ නායක කාර්යාලය මගින් ඊයේ(11) දින ලිඛිතව පාර්ලිමේන්තුවේ මහ ලේකම් කුෂාණි රෝහණධීර මහත්මියට යැවූ බවයි.
කන්ටේනර් 323 නිදහස් කිරීම ගැන සොයාබැලීම සඳහා මෙම පාර්ලිමේන්තු විශේෂ කාරක සභාව කඩිනමින් පත්කර කඩනමින් රැස් වනු ඇතැයි කියා තමා බලාපොරොත්තු වන බවද ගයන්ත කරුණාතිලක මන්ත්රීවරයා වැඩිදුරටත් ප්රකාශ කළා.
මෙම පාර්ලිමේන්තු විශේෂ කාරක සභාව සඳහා ආණ්ඩු පක්ෂය මගින් නියෝජිතයින් අට දෙනෙකු නම් කිරීමට නියමිත බවද වාර්තාවනවා.
