ඉහත දැක්වෙන පින්තූරවල ඉන්නේ වර්තමාන ප්රවාහන ඇමැති බිමල් රත්නායක සහ ධීවර ඇමැති රාමලිංගම් චන්ද්රසේකර්. මේ ඡායාරූපය අරන් තියෙන්නෙ 2007 Chennai වල තියෙන Oferr කියන සංවිධානයේ.Sri Lanka Latest News
ඔවුන් දෙදෙනා සමඟ කතාබහ කරගෙන ඉන්නේ දෙමළ ජාතික සන්ධානයේ නිර්මාතෘ S.J.V. Chelvanayakam ගේ පුත්රයෙකු වන S.C Chandrahasan.
Oferr – Organisation for Eelam Refugees Rehabilitation කියන්නේ ශ්රී ලංකාවෙන් ඉන්දියාවට ගිය සරණාගතයන්ගේ අයිතිවාසිකම් වෙනුවෙන්, විශේෂයෙන් අධ්යාපන – සෞඛ්ය සහ අනිකුත් අවශ්යතා සම්බන්ධයෙන් වැඩ කරන ආයතනයක්. එහි නිර්මාතෘවරයෙක් තමයි චන්ද්රහාසන් මහත්මයා.
1983 කළු ජූලිය වෙලාවේ S.C Chandrahasan සහ ඔහුගේ බිරිඳ ආචාර්ය නිර්මලා චන්ද්රහාසන් ඇතුළු පවුලේ සියලුම දෙනා ඉන්දියාවට අවතැන් වෙනවා. ආචාර්ය නිර්මලා චන්ද්රහාසන් 1983 කොළඹ විශ්වවිද්යාලයේ නීති පීඨයේ Faculty Head සහ Acting Dean ලෙස කටයුතු කරල තියනවා. ඇයගේ විෂය international Humanitarian law.
කෙසේ වෙතත් 2003 වර්ෂයේදී ශ්රී ලංකාවේ සිටින කඳුකර දෙමළ පුරවැසිභාවය අහෝසි වූ සියලුම දෙනාට නැවතත් පුරවැසිභාවය ලබාදීමේ නීතියක් එවකට පැවැති චන්ද්රිකා රනිල් වික්රමසිංහ ආණ්ඩුව විසින් ගෙන එනවා.
නමුත් ශ්රීමා ශාස්ත්රී ගිවිසුමෙන් පසු ඉන්දියාවට ගොස් කඳවුරුවල ජීවත්වෙන විශාල පිරිසක් ඒ කාලේ ඉඳල තියෙනවා. ඒ අය රටවල් දෙකේම පුරවැසිභාවය නැති තත්ත්වයක තමයි ජීවත් වෙලා තියෙන්නේ. මේ ප්රශ්නය දිගටම තිබිල තියෙනවා.
ඒ අනුව 2007 වර්ෂයේදී ජනතා විමුක්ති පෙරමුණේ පාර්ලිමේන්තු මන්ත්රීවරුන් වන බිමල් රත්නායක සහ රාමලිංගම් දෙදෙනා ඉන්දියාවට ගොස් සරණාගතයින් සහ අනෙකුත් නිලධාරීන් හමුවී ඇති අතර ආසන්න වශයෙන් 60,000ක් පමණ ඒ කාලයේ කඳවුරුවල ඉඳලා තියෙනවා.
අවසාන වශයෙන් ඔවුන් සියලුම දෙනාගේ මහන්සියේ ප්රතිඵලයක් ලෙස – 1977 සිට විවිධ ජනවාර්ගික ගැටලු හේතුවෙන් ලංකාවෙන් ඉන්දියාවට ගොස් සරණාගතයන් ලෙස කඳවුරුවල දුක් වෙවී ජීවත් වන 28,000 දෙනාට නැවතත් ලංකාවට එන්න පුළුවන් විදිහට නීති සංශෝධන කිහිපයක් සිදු කරනවා. ඒ සඳහා කැබිනට් පත්රිකාවක්ද ඒ දවස්වල දානවා. ඒ වගේම රාමලිංගම් චන්ද්රසේකරන් මන්ත්රීතුමාගේ නායකත්වයෙන් විශේෂ පාර්ලිමේන්තු කමිටුවකුත් ඒ කාලේ පත්කරනව.
ඉතින් මේ පින්තූර ටික මට හම්බවුණේ ගිය සතියේ Chennai – Oferr ආයතනයට ගිය වෙලාවේ.
