ගල්කිස්සේ උසාවියේ පොලිස් කොස්තාපල්වරයකුයි නීතිඥවරයකුයි අතර වෙච්ච සිද්ධිය ගැන මේ දවස් ටිකේම කනක් ඇහිල්ලක් නෑ මීඩියාවල ෆස්ට් නිව්ස් එක…
පොලිසිය පැමිණිල්ලටයි විත්තියටයි දෙකටම ඉන්නවද කියලා අපේ මොළයත් නිකං කැරකෙනවා.. එහෙම නැත්නම් ලංකාවේ පොලිසි දෙකක් තියෙනවද දන්නෙත් නෑ. අන්න එහෙම පොලිසි දෙකක් තිබිච්ච කාලයක් තිබුණා කියලා මතක් වෙනකොටම මේ ෆොටෝ එක හම්බවුණා. මේක වෙන රටක පොලිස් නෙවෙයි අපේ රටේම තමයි. හැබැයි ඔයාලට යුනිෆෝම් එක වෙනස් නිසා අඳුරගන්න බැරුව ඇති..Sri Lanka Latest News
අර පහුගිය දවස්වල කොළඹ තිබුණු නිල නිවාසය අයින් කරලා තංගල්ලට ගියේ මහින්ද රාජපක්ෂ කියලා මනුස්සයෙක්. අන්න ඒ මනුස්සයා 2005 මේ රටේ ජනාධිපති වෙන්න ඉස්සෙල්ලා වවුනියාවෙන් උඩ තිබුණේ ඔය යුනිෆෝම් එක ඇඳගත්ත පොලිසිය තමයි. ඒක තමයි එල්ටීටීඊ පොලිසිය.
මං හිතන්නේ මේ LTTE Traffic Police. High speed අල්ලන මීටරයකුත් තියාගෙනනේ ඉන්නේ… ඒ විතරක් නෙවෙයි. ඒ පැත්තෙ ඒගොල්ලන්ට උසාවිත් තිබුණා. උසාවි තියෙනකොට නීතිඥවරු ඉන්න එපැයි.
ඉතින් එල්ටීටීඊ උසාවිවල කතා කරන්න ඒගොල්ලන්ට නීතිඥවරුත් හිටියා. ඉතින් ආයුබෝං මේ ඇත්තන්ට මතකද දන්නෑ, අර සාම ගිවිසුමක් කියලා එකක් තිබුණු කාලේ ළමා අපචාර සිද්ධියක් ගැන පරීක්ෂණ කරන්න කියලා පොලිසියේ නිලධාරීන් කණ්ඩායමක් වැඩිදුර පරීක්ෂණ සඳහා මන්නාරම පැත්තට ගියා. දන්නවද මොකද වුණේ කියලා?
එල්ටීටීඊ පොලිසිය විසින්, ශ්රී ලංකා පොලිසියේ නිලධාරීන් කණ්ඩායම නිල ඇඳුමෙන් ඒගොල්ලන්ගේ රාජ්යයට ඇතුළු වුණා කියලා අත්අඩංගුවට අරගෙන ඒගොල්ලන්ගේ උසාවියට දැම්මා. එල්ටීටීඊ ගැහැනියක් තමයි නඩුකාරවරිය. කොහොමද අපේ පොලිස් ෂබිචැජඑදරි ලා ඒ ගෑනි ඉස්සරහට එක්ක ගිහිල්ලා නඩු අහලා එල්ටීටීඊ හිරගෙදර රිමාන්ඩ් කරහම. සමහර විට අපේ පොලිසියේ මහත්වරුන්ටත් දැන් ඒවා මතක නැතිව ඇති.
මට මතක විදියට නඩු වාර කීපයක්ම ඇප නොදී තිබුණා. ඇප ඉල්ලන්න කතා කරේ එල්ටීටීඊ නීතිඥයෝම වගේත් මතකයි.. මොකද මෙහේ නීතිඥයන්ට එහේ උසාවිවලට යන්න පුළුවන් තත්ත්වයක් තිබුණෙ නෑ.
එහෙම රටක් නැති කරපු මනුස්සයන්ට විරුද්ධ බෝඩ් උස්සගෙන අත්වැල් බැඳගෙන සෙල්ලං කරපු සමහර නීතිඥ මහත්තුරුත් අපිට මතක් වෙනවා. ‘සමහර’ කියන වචන යෙදුවේ එහෙම නැති, මේ රටට ආදරය කරන නීතිඥ ප්රජාවකුත් අප අතර ඉන්න නිසා. ඒ වගේම පූර්ණ ප්රජාතන්ත්රවාදී ඡන්දයකින් තේරීපත්වෙච්ච, ජනාධිපතිවරයෙක් බලයෙන් පහකරන්න, කඩාකප්පල්කාරී ක්රියා අරගල කරපු සෙට් එකක්, සමහර කඩාකප්පල්කාරී ක්රියා කිරීමේ හේතුවෙන් අත්අඩංගුවට අරගෙන උසාවියට ඉදිරිපත් කරාම ඒ අත්වැල් අල්ලපු බෝඩ් උස්සපු කණ්ඩායම සාමූහිකවම උසාවියට ගිහිල්ලා, කතා කරලා ඇපත් අරන් දීලා, උසාවි භූමියේදිම දෙපෙළ හැදිලා අත්පුඩි ගගහා එක් කරගෙන ආපු හැටිත් මතකයි.
ගල්කිස්සේ උසාවි සිද්ධියට මුහුණ දීපු තරුණ නීතිඥයත් එහෙම හිටියද නැද්ද කියලා අපි දන්නේ නෑ. ඇප හම්බවුණාට පස්සේ කොස්තාපල් කර උඩ තියාගෙන, නීතිඥවරුන්ට විරුද්ධව සටන් පාඨ කිය කියා, මිනිස්සු උසාවි භූමියේ දොරටුව අසල ඉඳලම, එළියට බැස්ස තැන ඉඳන්, පෙළපාළි යනකොට, එදා තමන් උසාවි භූමියේ දෙපෙළ හැදිලා අත්පුඩි ගහලා, කට්ටිය නිදහස් කරගෙන ගිය හැටි, සමහර විට නීතිඥවරුන්ට මතක් වෙන්න ඇති.
පොලිසියේ එක්කෙනෙක් යුනිෆෝම් එක ගලවලා අරගලකාරයන්ට එකතු වෙලා ඒ දවස්වල වීරයෙක් වුණු විදියත් මතකයි. හැබැයි මහින්ද රාජපක්ෂ එදා බලයට පත්නොවුණා නම් අර ගල්කිස්සෙ උසාවියේ සිද්ධිය වගේ දෙයක් වෙන එකක් නැහැයි කියලත් වෙලාවකට මට හිතෙනවා.
ඇයි දන්නවද මම එහෙම කියන්නේ?
එදා මහින්ද දිනුවේ නැත්නම් මේ වෙනකොට ගල්කිස්ස හරියෙ තියෙන්නෙත් එල්ටීටීඊ උසාවියක් එල්ටීටීඊ පොලිසියක් වෙන්න පුළුවන්. එහෙම වුණානම් ඔය විදියට නීතිඥවරු, පොලිස් කොස්තාපල්ලා ගහගන්න යන එකක් නෑ. මොකද ප්රභාකරන් දරුණු මිනිහෙක්නේ. මිනිහට ඔහොම එකක් ආරංචි වුණා නම් පොලිස් කොස්තාපලුයි නීතිඥවරයයි දෙන්නම ගෙනැල්ලා කටේ සයිනයිඩ් කරල් දෙකක් ඔබන්න ඉඩ තියෙනවා. ඒ බයට ඒගොල්ලෝ ගහ බැණගන්න එකක් නෑ.
ඒ නිසා හෙට අනිද්ද වෙනකොට කවුරු හරි කියාවිද දන්නෙත් නෑ, ‘අපරාදේ මහින්ද යුද්දේ ඉවර කරපු හින්දා තමයි මේ වගේ සිද්ධි ලංකාවේ වෙන්නේ….’ කියලා. එහෙම කිව්වත් අපි නම් පුදුම වෙන්නේ නෑ වර්තමානයේ ඉන්න අසමජ්ජාති එවුන් කියන කතා ඇහුවාම.
ප්රභාකරන් මහින්ද මහත්තයාගෙන් සල්ලි අරගෙන මැරුම්කෑවා කියන එකත් විශ්වාස කරන එවුන් සහ ඒ වගේ පාහර කතා කියන එවුන් ඉන්න රටක් නේ මේක. ඒක වෙන්නැති අපි ‘ලෝකෙන් උතුම් රට ලංකාවයි…
ලංකාවයි ශ්රී ලංකාවයි…’ කියන්නේ.
තවත් මොන කතාද…?
ලාල් ද අල්විස්
