වහාම ක්රියාත්මක වන පරිදි නැවත දැනුම්දෙනතුරු විදුලිබල මණ්ඩලයේ සියලු සේවකයින්ගේ නිවාඩු අවලංගු කර තිබේ.Sri Lanka Latest News
එහි සාමාන්යාධිකාරීවරයා විසින් ලිඛිතව ඒ බව දැනුම් දී ඇත.
විදුලිබල සැපයීම සම්බන්ධ සියලු සේවා අත්යාවශ්ය සේවාවන් බවට ප්රකාශයට පත්කරමින් ජනපති නියමයෙන් අති විශේෂ ගැසට් නිවේදනයක් පසුගිය 21 වනදා නිකුත් කෙරුණි.
1979 අංක 61 දරන අත්යාවශ්ය මහජන සේවා පනතේ 2වන වගන්තිය ප්රකාරව ජනාධිපතිවරයාට පැවරී ඇති බලතල අනුව ජනාධිපති අනුර කුමාර දිසානායක මහතා මේ සඳහා අත්සන් තබා ඇත.
සාමාන්ය ජනජීවිතය පවත්වාගෙන යාම සඳහා අත්යාවශ්ය වන බව සහ එකී සේවාවන්ට අවහිරයක් හෝ බාධාවක් විය හැකි බව සැලකිල්ලට ගනිමින් මෙම ගැසට් පත්රය නිකුත්කර තිබේ.
සිය වර්ජනය සම්බන්ධයෙන් හෙට දින රැස්වී විදුලි සේවකයන් ඉදිරි ක්රියාමාර්ග ගැනීමට නියමිතව ඇති බව දැනගන්නට ඇත.
