ගොවි ජනතාව ශක්තිමත් කරන්න ඔස්ට්රේලියානු ධනවතුන්ගේ සහාය ලබා දෙන්න යැයි විපක්ෂනායක සජිත් ප්රේමදාස මහතා ඔස්ට්රේලියාවේ පදිංචි ගුරුගේ ඉරෝෂා දයානි මහත්මියගෙන් ඉල්ලීමක් කළේය. Sri Lanka Latest News
විපක්ෂ නායක සජිත් ප්රේමදාස මහතා මේ ඉල්ලීම කළේ අනුරාධපුර විලච්චිය කොට්ඨාසයේ මැද ඔයාමඩුව ගම් පියසේ පිහිටි ශ්රී උත්තරවාසී විහාරස්ථානයේ අභිනවයෙන් ඉදි කරන ලද යසෝදරා මහතෙරෙනියන් වහන්සේගේ පිළිරුව කුටිය සහ පත්තිනි දේවාලය විවෘත කිරීමේ අවස්ථාවට එක්වෙමිනි.
මේ සඳහා ධන පරිත්යාගය ඔස්ට්රේලියාවේ පදිංචි ගුරුගේ ඉරෝෂා දයානි මහත්මිය විසින් සිදු කරන ලදී.
විලච්චිය වැනි අනුරාධපුර දිස්ත්රික්කයේ ඇති දුෂ්කරම බලප්රදේශයේ ග්රාම සේවා වසම් 17ක දුෂ්කර දිවියක් ගත කරන ජනතාව සිටින නිසා මේ ගම් 17ට ඔස්ට්රේලියාවේ දානපතියන් 17ක් සම්බන්ධ කර ඔවුන්ගේ ගොවිතැන ව්යවසාව ක්රියාවලියක් ජීවනාලියක් බවට පත් කරන්න ප්රාග්ධන සවියක් ලබා දෙන ලෙස ඉල්ලා සිටින බවත් වගා කටයුතු කිරීමට සහන ක්රමයකට ණය ආධාර ලබා දී චක්රීය මුදල් බවට පත් කර අරමුදල් 17ක් ඇති කර ජීවනෝපාය ශක්තිමත් කරන්න යම් වැඩපිළිවෙළක් ක්රියාත්මක කරන ලෙසත් විපක්ෂ නායක සජිත් ප්රේමදාස මහතා ඉල්ලා සිටියේය.
