මිද්දෙණියේදී සොයාගත් කන්ටේනර් දෙකට සම්බන්ධකම් ඇතැයි පැවසෙන අයිස් මත්ද්රව්ය හෝ අයිස් මත්ද්රව්ය නිෂ්පාදනය කිරීමට යොදා ගන්නා රසායනික ද්රව්ය ඇතැයි සැක කරන කන්ටේනරයක් ඉදිරි දින කිහිපය තුළ පරීක්ෂා කිරීමට නියමිතව ඇතැයි පොලිස් තොරතුරු සඳහන් කරයි.Sri Lanka Latest News
එම කන්ටේනරය මෙතෙක් කොළඹ වරාය භාරයෙන් නිදහස් කර නැති බවත් ඉකුත් බ්රහස්පතින්දා වන විට එම කන්ටේනරය සම්බන්ධයෙන් සියලු ආරක්ෂක පියවර ගෙන ඇති බවත් පොලිස් තොරතුරු අනාවරණය කළේය.
මිද්දෙණියෙන් සොයාගත් කන්ටේනර් දෙක සම්බන්ධයෙන් පොලිස්පතිවරයාට ඉකුත් අගෝස්තු මාසයේදී තොරතුරු ලබාදුන් පොලිස් නිලධාරියාම මෙම කන්ටේනරය ගැනද තොරතුරු ලබා දී ඇති බව සඳහන්ය.
එම කන්ටේනරය මෙතෙක් පරීක්ෂාවකට ලක්කර නැති බව පොලිස් දිනය පැවැති දා පොලිස්පතිවරයා දැනුම්වත් කිරීමට අදාළ නිලධාරියාගේ පාර්ශ්වයෙන් කටයුතු කර ඇති බව පොලිස් තොරතුරු අනාවරණය කළේය.
අදාළ නිලධාරියා විසින් සිය ඉහළ නිලධාරීන් මඟින් යොමුකර තිබූ එම තොරතුර විමර්ශනය කිරීමට පොලිස්පතිවරයා පොලිස් මත්ද්රව්ය කාර්යාංශයට යොමුකර තිබී ඇති බව ද සඳහන්ය.
ඒ ගැන පොලිස්පතිවරයා පොලිස් මත්ද්රව්ය කාර්යාංශයේ ඉහළ නිලධාරියකුගෙන් විමසන තුරුම අදාළ කන්ටේනරය සම්බන්ධයෙන් නිසි ක්රියාමාර්ග ගෙන නැති බව අනාවරණය වී තිබේ.
ගයාන් කුමාර වීරසිංහ -දිනමිණ
සංරක්ෂිත ඡායාරූපයකි.
