ශිෂ්ය ව්යාපාරයේ නායකයන් ලෙස තමන්ගේ හෙංචයියන් පත්කර ගැනීමට ආණ්ඩුවට වුවමනාවක් ඇති නමුත් අන්තර් විශ්වවිද්යාලයීය ශිෂ්ය බල මණ්ඩලය යනු කවුරු ආණ්ඩුවේ හිටියත් රටේ ජනතාවගේ පැත්තේ හිටගත් දේශපාලන ව්යාපාරයක් බව අ.වි.ශි.බ.ම හිටපු කැඳවුම්කරු වසන්ත මුදලිගේ පවසයි.Sri Lanka Latest News
අන්තරේ කැඳවුම්කරු යනු යමෙන් රාත්රී නින්දටගොස් උදෑසන අවදිවන විට ” මං කැඳවුම්කරු ” කිවහැකි තනතුරක් නොවන බවත්, දහස් ගණන් ශිෂ්යයන්ගේ, කැපකිරීම් , ජීවිත පරිත්යාග සහ සටන් දිනවා ලැබුණු වගකීමක් බවද ඔහු සඳහන් කරයි.
අධ්යාපන ක්ෂේත්රය ඇතුළු තීරණාත්මක ප්රශ්න හමුවේ මැදිහත්වීම් සිදුකළ අන්තරේ කටයුතු එහි වත්මන් කැඳවුම්කරු මධූෂාන් චන්ද්රජිත් සමඟ මේ මොහොතේද අධ්යාපන ප්රතිසංස්කරණ ඇතුළු කාරනා සම්බන්ධව සිදුවෙමින් ඇති බවත් ඔහු පැවසීය.
එසේ තිබියදී ආණ්ඩුවට හිතවත් පටු දේශපාලන අරමුණු සහිත පිරිසක් සතුටු සාමීචියේ යෙදෙන අවස්ථාවක ෆේස්බුක් පිටුවක් ද හදාගෙන අන්තරේ කැඳවුම්කරු කියා එක්වරම පැමිණ ඇතැයි තමාද සමාජ මාධ්ය හරහා දුටු බවත්, ඒ සම්බන්ධව මේ වන විට අන්තර් විශ්වවිද්යාලයීය ශිෂ්ය බල මණ්ඩලය විසින් නිල නිවේදනයක් නිකුත්කර ඇති බවද වසන්ත මුදලිගේ සඳහන් කළේය.
කෙසේවෙතත් මේ වන විට නව ෆේස්බුක් පිටුවක් සමඟ පේරාදෙණිය විශ්වවිද්යාලයේ සසිඳු පෙරේරා නැමැත්තෙකු අන්තරේ කැඳවුම්කරු ලෙස හඳුන්වාදෙන සමාජ මාධ්ය වාර්තා පළවෙමින් තිබේ.
පේරාදෙණිය විශ්වවිද්යාලයේ ශිෂ්ය සංගමයේ නිල ෆේස්බුක් ගිනුමේ ද ඊට අදාළ සඳහනක් share කර තිබුණත් මේ වන විට එය ඉවත්කර තිබේ.
