පොලිස් නිලධාරීන්ගේ වැටුප් වැඩිවීමක් ලබන වසරේදී සිදුවිය හැකියැයි වැඩබලන පොලිස්පති නීතිඥ ප්රියන්ත වීරසූරිය පවසනවා.Sri Lanka Latest News
රත්නපුර දිස්ත්රික් පොලිස් නිලධාරීන්ගේ දුවාදරුවන් වෙත පාසල් උපකරණ ලබාදීමේ වැඩසටහනකට එක්වෙමින් වැඩබලන පොලිස්පතිවරයා මේ බව කියා සිටියා.
“පොලිස් නිලධාරීන්ගේ බැලුවොත් 20%ක් 40%ක් බෝ නොවන රෝගවලින් පෙළෙනවා. තව 30%ක ප්රමාණයක් තවම පරික්ෂා කිරීම් කරලා නැහැ. ඉතුරු 30% තමයි යම්කිසි ශාරීරික සෞඛ්ය තත්ත්වයකින් ඉන්නේ. සමහර නිලධාරීන්ට ගෙදර ප්රශ්න, රාජකාරී ප්රශ්න ඒ ඔක්කොමත් එකක් යම් යම් බෝනොවන රෝග වැළඳිලා තියෙනවා. අපි බලාපොරොත්තු වෙනවා පොලිස් නිලධාරීන්ගේ රාජකාරිය මීට වඩා විධිමත් කරලා, කාර්ය සාධනය වැඩිකරලා පොලිස් නිලධාරීන් කරන රාජකාරීය ඉතාම ඉහළ රාජකාරීයක් විදිහට පෙන්වීමට. තවත් වරප්රසාද පොලිස් නිලධාරීන්ට දෙන්න කටයුතු කරමින් පවතිනවා. පොලිස් නිලධාරීන් ලබන්නේ ඉතාම අඩු වැටුපක්. ඒ වැටුප සම්බන්ධයෙන් ජනාධිපතිවරයාගේ පවා අවධානයට යොමුකරලා තියෙනවා. ඒ අවධානයට යොමුකරපු එක නිසා ලබන වසරේදී නව වැටුප් ව්යුහයක් සකස් කරන්න අවශ්ය කටයුතු කරමින් ඉන්නවා” යැයිද වැඩබලන පොලිස්පතිවරයා පැවසුවා.
