හුන්නස්ගිරිය – මීමුරේ මාර්ගයේ හබරකැටිය ප්රදේශයේදී වෑන් රථයක් ප්රපාතයකට පෙරළීමෙන් මියගිය පුද්ගලයින් සංඛ්යාව හතරක් දක්වා ඉහළ ගොස් තිබේ.Sri Lanka Latest News
ඒ අතරට කාන්තාවන් තුන් දෙනෙකු ඇතුළත් ය.
ඉන් දෙදෙනෙකු 29 හැවිරිදි කාන්තාවන් බව, පොලීසිය සදහන් කළේ ය.
අනෙක් කාන්තාවගේ අනන්යතාව මෙතෙක් අනාවරණය වී නැහැ.
අනතුරින් තුවාල ලැබූ පිරිමි පුද්ගලයෙකු සහ දරුවෙකු පේරාදෙණිය රෝහලේ ප්රතිකාර ලබමින් සිටියි.
මේ අතර මෝටර් රථයක් රියදුරුට පාලනය කරගත නොහැකිව මාර්ගයේ දකුණු පසට ඇදී ගොස් විරුද්ධ දෙසින් පැමිණි බස් රථයක ගැටී සිදුවූ අනතුරකින් රියදුරු සහ කුඩා දැරියන් දෙදෙකු ජීවිතක්ෂයට පත්ව තිබේ.
ඊයේ (19) දහවල් කාලයේදී මෙම අනතුර සිදුව තිබුණේ නාරම්මල පොලිස් වසමේ නාරම්මල ගිරිඋල්ල මාර්ගයේදීය.
මියගිය දැරියන් දෙදෙනා මාස 09 ක් හා මාස 11 වන අතර රියදුරු වයස අවුරුදු 38ක් වූ දිවුල්ලෑව, මහව ප්රදේශයේ පදිංචිකරුවන් බව පොලීසිය පවසයි.
අනතුරින් බස් රථයේ රියදුරු, කොන්දොස්තර හා මගියෙකු තුවල ලබා දඹදෙණිය රෝහලේ ප්රතිකාර ලබයි.
නාරම්මල පොලිසිය වැඩිදුර විමර්ශන සිදු කරනු ලබයි.
මේ අතර වැල්ලව පොලිස් වසමේ වාරියපොළ කුඹුක්ගැටේ මාර්ගයේ කපුහේන ප්රදේශයේදී කුඹුක්ගැටේ දෙසට ධාවනය වූ ලොරි රථයක් පදික කාන්තාවකගේ ගැටී අනතුරක් සිදුවූ අනතුරකින් එම කානත්ව ජීවිතක්ෂයට පත්ව තිබේ.
එලෙස මියගොස් ඇත්තේ, ගනේවත්ත ප්රදේශයේ පදිංචිව සිටි 48 හැවිරිදි කාන්තාවකි.
මේ අතර කෑගල්ල පොලිස් වසමේ කොළඹ – මහනුවර මාර්ගයේ 85 වැනි කිලෝමීටර් කණුව අසලදී මහනුවර දෙසට ධාවනය වූ ලොරි රථයක් ඉදිරියෙන් එම දෙසටම ධාවනය වූ යතුරුපැදියකට ඉස්සර කිරීමට යාමේදී යතුරුපැදියේ ගැටී අනතුරක් සිදුව ඇත.
අනතුරුන් බරපතළ තුවාල ලබූ යතුරුපැදිකාරිය කෑගල්ල රෝහලට ඇතුළත් කිරීමෙන් පසු මියගොස් ඇත.
එලෙස මියගොස් ඇත්තේ, වයස අවුරුදු 50 ක් වූ අස්සාපිටිය ප්රදේශයේ පදිංචිකාරියකි.
මේ අතර තිරප්පනය ප්රදේශයේ දී ඊයේ (19) උදෑසන වෑන් රථයක් අනතුරට ලක්වීමෙන් එහි ගමන් ගත් 10 දෙනෙකු තුවාල ලබා මේ වනවිට රෝහල් ගත කර ඇති බව පොලිසිය පවසනවා.
එහිදී කැකිරාව දෙස සිට අනුරාධපුර දෙසට ධාවනය කරමින් තිබු වැන් රථයක් එහි රියදුරුට වේගය පාලනය කර ගැනීමට නොහැකිව තිරප්පනය ප්රදේශයේ දී මාර්ගයෙන් ඉවතට පැන මෙලෙස අනතුරට ලක්ව ඇති බවයි පොලිසිය සඳහන් කළේ.
මෙම වැන් රථය අනතුරට පත්වන අවස්ථාවේ දී එහි රියදුරු ඇතුළු පුද්ගලයින් 13 දෙනකු ගමන් කර ඇති අතර, සිදුව ඇති අනතුරින් එහි ගමන්ගත් පුද්ගලයින් 10 දෙනෙකු තුවාල ලබා තිබෙනවා.
