වැලිගම, උඩුකාව ප්රදේශයේ වෙඩි තැබීමක් සිදුව තිබේ.Sri Lanka Latest News
පොලීසිය පැවසුවේ, වැලිගම ප්රදේශීය සභාවේ ජාතික ජන බලවේගයේ මන්ත්රී නිතීඥ තාරක නානායක්කාර මහතාගේ නිවසට මෙම වෙඩි ප්රහාරය එල්ල වී ඇති බවය.
අද අලුයම 4.40ට පමණ යතුරු පැදියකින් පැමිණි නාඳුනන පුද්ගලයින් දෙදෙනෙකු විසින් මෙම වෙඩි ප්රහාරය එල්ල කර පලාගොස් තිබේ.
පොලීසිය පැවසුවේ, අදාළ මන්ත්රීවරයාට මරණ තර්ජන ඇති බව පවසා නිවසට පොලිස් ආරක්ෂව ද ලබාගෙන තිබූ බවය.
වෙඩි ප්රහාරය නිවසේ ගේට්ටුවට එල්ල වී ඇති අතර කිසිවකුටත් තුවාල සිදුව නොමැති බව වාර්තා වේ.
වෙඩිකරුවන් වෙත පොලීසියෙන්ද වෙඩි තබා ඇති අතර එම අවස්ථාවේ ඔවුන් පලාගිය බව පොලීසිය පැවසුවේය.
