නව ජනතා පෙරමුණ විසින් කතානායක වෛද්ය ජගත් වික්රමරත්න ගේ නිල නිවස සම්බන්ධයෙන් තොරතුරු දැනගැනීමේ අයිතිය යටතේ පාර්ලිමේන්තුවේ තොරතුරු දැනගැනීමේ නිලධාරීන් වෙත ලිඛිත ඉල්ලීමක් ඉදිරිපත් කර තිබේ. Sri Lanka Latest News
නව ජනතා පෙරමුණේ නායක සුගීෂ්වර බණ්ඩාරගේ උපදෙස් පරිදි , පක්ෂ නියෝජිතයකු විසින් එය ඉල්ලුම් කර ඇත.
මෙම ඉල්ලීම මඟින් ප්රධාන වශයෙන් කරුණු තුනක් යටතේ තොරතුරු අපේක්ෂා කෙරේ:
ඒ අනුව
1) කතානායක නිල නිවසේ පැවති හමුවීම් සහ උත්සව: වත්මන් කතානායක වෛද්ය ජගත් වික්රමරත්න පත් වූ දින සිට 2025 ජූලි 9 වැනිදා දක්වා කතානායක නිල නිවස තුළ ව්යවස්ථාදායක සභාව රැස්වී තිබේද, රාජ්ය තාන්ත්රික හමු පවත්වා තිබේද, භෝජන සංග්රහයන් සහ වෙනත් ආකාරයක උත්සව පවත්වා තිබේද යන්න පිළිබඳව තොරතුරු ඉල්ලා තිබේ. එසේ හමුවීම් හෝ උත්සව පවත්වා ඇත්නම්, ඒවා පැවැත්වූ දිනයන් සමඟ සවිස්තරාත්මක තොරතුරු ලබා දෙන ලෙස ඉල්ලා ඇත.
2) කතානායක නිල නිවසේ කාර්ය මණ්ඩලය: කතානායකවරයාගේ නිල නිවසේ සේවය කරන කාර්ය මණ්ඩලයේ සංඛ්යාව සහ ඔවුන් දරන තනතුරු මොනවාද යන්න පිළිබඳව තොරතුරු ඉල්ලා තිබේ.
3) නිල නිවසට සැපයූ ආහාරපාන: කතානායකවරයාගේ නිල නිවසට පාර්ලිමේන්තු සැපයුම් අංශයෙන් උත්සව / හමුවීම් සඳහා හෝ වෙනත් ආකාරයකින් ආහාර සපයා තිබේද යන්න පිළිබඳව තොරතුරු විමසා ඇත. එසේ සපයා ඇත්නම්, ඒ පිළිබඳ සවිස්තරාත්මක තොරතුරු ලබා දෙන ලෙස ඉල්ලීමක් කර තිබේ.
