මිද්දෙනිය ප්රදේශයේ තරුණයන් දෙදෙනකු ඝාතනය කිරීමත් අනුරාධපුර ප්රදේශයේ වෙඩි තැබීමක් සිදුවීමත් යනාදී සිදුවීම් සමග මේ වසර තුළ ක්රියාත්මක වන ඝාතන සංස්කෘතිය වර්ධනය වී ඇති බවත් ජීවිත හානි මිනිමැරුම් ජීවිත අහිමිවීම් ප්රචණ්ඩත්වයේ ද ඉහළ යාමක් ඇති බවත් මිලේච්ඡත්වය සහ මිනිමැරීම වර්ධනය වී ඇති බවත් සාපරාධි කල්ලි අපරාධ කණ්ඩායම් නාදුනන තුවක්කුකරුවන් සමාජය දැවැන්ත භීෂණයකට ලක් කර ඇති බවත් නීතියේ ආධිපත්ය සමාජයෙන් තුරන් වී ඇති බවත් විපක්ෂ නායකවරයා පැවසීය.Sri Lanka Latest News
අද නීතිය වල්වැදිලා
ප්රජාතන්ත්රවාදී රටක් තුළ තිබිය යුතු ශක්තිමත් මහජන ආරක්ෂාවක් නීතිය හා සාමය ක්රියාත්මක කරන්නට වත්මන් රජය අපොහොසත් වී ඇති බවත් මේ ආකාරයෙන් රටේ තරුණ පරපුර අපට අහිමි වන විට මිලේච්ඡ ඝාතකයන් හා නාදුනන තුවක්කුකරුවන් හරහා මිනිස් ජීවිත අහිමි වෙන විට ජාතික ආරක්ෂාවට වැදගත් වන ජීවත් වීමේ අයිතිය තහවුරු කරන්න වත්මන් රජය අපොහොසත් වී ඇති බවත් විපක්ෂ නායක සජිත් ප්රේමදාස මහතා විශේෂ ප්රකාශයක් සිදු කරමින් පැවසීය.
සංඛ්යා ලේඛන පෙන්නුවට වැඩක් නෑ. විසඳුම් අවශ්යයි
දිනෙන් දින මේ ඝාතන සංස්කෘතිය වර්ධනය වී ඇති බවත් රජය විවිධ සංඛ්යාලේඛන පෙන්නුවත් මේ මිනිස් ජිවිත සංඛ්යාලේඛනවලට සීමා කළ නොහැකි බවත් මේ මිනිස් ජීවිතවල වටිනාකම මුදලින් තක්සේරු කළ නොහැකි බවත් මිනිමරු කල්ලි රජවිම සමාජය සමස්ත කොල්ලකරුවන්ගේ මිනිමරුවන්ගේ භීෂණයට යටපත් කිරිම යන තත්ත්වය තුළ රජයෙන් විසදුම් සහ උත්තර අවශ්ය බවත් නීතිය හා සාමය ආරක්ෂා කිරිම මහජන ආරක්ෂාව තහවුරු කිරීම රජයේ වගකීම බවත් විපක්ෂ නායකවරයා මෙහි දි පෙන්වා දුන්නේය.
අයිස් මත්ද්රව්ය පවා තරුණ ජිවිත බිල ගන්නවා
අද වන විට අයිස් මත්ද්රව්ය දැවැන්ත ලෙස ව්යාප්ත වී ඇති බවත් තරුණයන් පමණක් නොවන පාසල් පද්ධතිය ද මේ මත්ද්රව්යයේ ග්රහණයට ලක්ව ඇති බවත් මේ නිසා රටට තරුණ පරපුරු දරු පරපුර අහිමි වන බවත් එම නිසා රටේ ආරක්ෂාව තහවුරු කරන ලෙස රජයෙන් ඉල්ලා සිටින බවත් මොවුන් ජාතික ආරක්ෂාව පවා බරපතල අභියෝගයක් බවත් මේවාට රජයට උත්තර නොමැති වීම කණගාටුවට කරුණක් බවත් විපක්ෂ නායකවරයා පැවසීය.
ජාතික ආරක්ෂාව තහවුරු කරන්න අපිත් සහයෝගය ලබා දෙන්නම්
බඩු මිල වැඩි වීම අත්යාවශ්ය ආහාර පාන හිගය මෙන්ම ජනතාවගේ ජන ජිවිතවල සුබසාධන පැත්ත කප්පාදු කරන විට තවත් පැත්තකින් ඝාතන සංස්කෘතිය නිසා ජීවිත අහිමි වන බවත් රජයේ වගකීම මේවාට උත්තර දීම බවත් පාර්ලිමේන්තුවේ මේවා ප්රශ්න කරන විට සංඛ්යාලේඛන ඉදිරිපත් කර සාමාන්ය මිනිමැරීම් බවට පැවසුවත් මොවුන් බලයට පැමිණයේ පෙර පැවැති ක්රමය වෙනස් කරනවා යැයි කියා වුවත් ඔවුන්ට ක්රමයේ වෙනසක් කළ නොහැකි වී ඇති බවත් ජාතික ආරක්ෂාව පුරවැසියන්ගේ ආරක්ෂාව හා ජීවත් වීමේ අයිතිය තහවුරු කරන්න කොන්දේසි විරහිතව සහයෝගය ලබා දෙන බවත් විපක්ෂ නායක සජිත් ප්රේමදාස මහතා වැඩිදුරටත් පැවසීය.
