ජාත්යන්තර මූල්ය අරමුදලේ (IMF) පළමු නියෝජ්ය කළමනාකාර අධ්යක්ෂ (FDMD) ආචාර්ය ගීතා ගෝපිනාත් එළඹෙන 15 සහ 16 යන දිනවල මෙරට සංචාරයක නිරත වීමට නියමිතයි. Sri Lanka Latest News
ඒ අනුව ජාත්යන්තර මූල්ය අරමුදලේ (IMF) සේවය කරන පළමු නියෝජ්ය කළමනාකාර අධ්යක්ෂවරයෙකු 2005 වසරෙන් පසු ශ්රී ලංකාවේ සංචාරයක නිරත වන පළමු අවස්ථාව මෙයයි.
මෙම සංචාරය අතරතුර, ආචාර්ය ගෝපිනාත් මුදල් අමාත්යාංශය, ශ්රී ලංකා මහ බැංකුව සහ ජාත්යන්තර මූල්ය අරමුදල එක්ව සංවිධානය කරන “Sri Lanka’s Road to Recovery: Debt and Goveance” යන මැයෙන් පැවැත්වෙන සමුළුවේ ආරාධිතයා ලෙස කටයුතු කරනු ඇති.
IMF සහාය දක්වන ප්රතිසංස්කරණ වැඩසටහනේ මැද භාගයේදී, සාර්ව ආර්ථික ස්ථාවරත්වය යථා තත්ත්වයට පත් කිරීම, ණය ප්රතිව්යුහගත කිරීම සහ පාලන ප්රතිසංස්කරණ ක්රියාත්මක කිරීම සම්බන්ධයෙන් ශ්රී ලංකාවේ අත්දැකීම්වලින් උගත් පාඩම් පිළිබිඹු කිරීම සහ ඉදිරි අභියෝග කෙරෙහි අවධානය යොමු කිරීම සමුළුවේ අරමුණයි.
මීට අමතරව, ජාත්යන්තර මූල්ය අරමුදලේ (IMF) පළමු නියෝජ්ය කළමනාකාර අධ්යක්ෂිකාව, ශ්රී ලංකා බලධාරීන් සහ IMF හි ශ්රී ලංකාව සමඟ ඇති සම්බන්ධතාවය පිළිබඳව ප්රධාන පාර්ශවකරුවන් කිහිප දෙනෙකු සමඟ ද්විපාර්ශ්වික සාකච්ඡා පැවැත්වීමට අපේක්ෂා කෙරෙනවා.
