පසුගිය 05 වනදා මුහුදුබඩ දුම්රිය මාර්ගයේ සිදුවන්නට ගිය දුම්රිය අනතුරක් වළක්වා ගැනීමට කටයුතු කළ මොරටුව ප්රදේශයේ පදිංචි අනුර සමන්ත ප්රනාන්දු මහතා ඇගයීමට ලක් කිරීම ප්රවාහන අමාත්ය බිමල් රත්නායක මහතාගේ ප්රධානත්වයෙන් සිදු කෙරුණා. Sri Lanka Latest News
ඒ, ප්රවාහන, මහාමාර්ග, වරාය සහ සිවිල් ගුවන්සේවා අමාත්යංශයේදීයි.
පසුගිය 05 වනදා උදෑසන එගොඩ උයන දුම්රිය මර්ගය අසලින් ගමන් කළ අනුර සමන්ත ප්රනාන්දු මහතා දුම්රිය පීල්ලේ කැඩී ඇති තැනක් දැක ඇති අතර, එහිදී කඩිනමින් ක්රියාත්මක වූ ඔහු තමා හැඳ සිටි ටී ෂටරය ගලවා වනමින් දුම්රිය එන පෙරමගට දිවගොස් තිබෙනවා.
එහිදී ඔහු සාගරිකා කාර්යාල දුම්රිය නවතා ගැනීමට කටයුතු කර ඇති අතර, ඒ අනුව සිදුවන්නට ගිය විශාල අනතුරක් ඔහු විසින් වළක්වා ගෙන තිබුණා.
මේ අතර මුහුදුබඩ දුම්රිය මාර්ගයේ දුම්රිය සංඥා පද්ධතියේ ඇති වූ දෝෂයක් හේතුවෙන් පසුගියදා දුම්රිය දෙකක් ගැටී සිදුවන්නට ගිය අනතුරක් වළක්වා ගැනීමට කටයුතු කළ පානදුර සිට කොළඹ කොටුව දක්වා ධාවනය වූ දුම්රියේ රියදුරු ලෙස කටයුතු කළ විදුර විදර්ශන මහතා ඇගයීමට ලක් කිරීම ද මෙහිදී සිදු වුණා.
