ජනාධිපතිවරයා ප්රමුඛ ආණ්ඩුව පාස්කු ප්රහාරය ගැන බොහෝ බලාපොරොත්තු ලබා දුන්නත් දැන් පේන්න ඇත්තේ පාස්කු ප්රහාරය සම්බන්ධයෙන් වන ජනාධිපති කොමිෂන් සභා වාර්තාව අපරාධ පරීක්ෂණ දෙපාර්තමේන්තුවට බාර දීම බවත් ජනාධිපතිවරණය සහ මහමැතිවරණය ජය ගෙන මේ මාස ගණනාවටම මේ කොමිෂන් සභා වාර්තාව අපරාධ පරීක්ෂණ දෙපාර්තමේන්තුවට භාර දෙන්න අප්රේල් 21 වෙනකම් ආණ්ඩුව සිටි බවත් මීට පෙර එය දිය හැකි වුවත් ආණ්ඩුව එය නොකර ජනතාව රවටා ඇති බවත් මොවුන් මුසාවෙන් මුලාවෙන් ජනතාව රවටමින් බලය රැකගැනීමට කටයුතු කර ඇති බවත් විපක්ෂ නායකවරයා පැවසීය.Sri Lanka Latest News
ජනාධිපතිවරණයේ දී සහ මහමැතිවරණයේදී පොහොසත් රටක් ලස්සන ජීවිතයක් නිර්මාණය කරනවා කියා මාලිමාව කිව්වත් මෙතෙක් කළක් කළේ එම පොරොන්දු මාලාව ප්රතිපත්ති ප්රකාශය දිනෙන් දින කැඩු බවත් වැඩිම බොරු පොරොන්දු සහ බලාපොරොත්තු ලබා දෙන රජයක් ලෙස අද වන විට ප්රසිද්ධ වී ඇති බවත් විපක්ෂ නායකවරයා පැවසීය
විපක්ෂ නායක සජිත් ප්රේමදාස මහතා මේ බව කියා සිටියේ වාරියපොළ ප්රදේශයේ පැවැති ජන හමුවකදීය.
තෙල් මිල සම්බන්ධයෙන් ද පැවසූයේ එවැනි කතාවක් බවත් බදු, දූෂණ හා වංචා, කොමිස් මුදල් ආදිය නිසා තෙල් මිල වැඩි බවත් මේවා ඉවත් කිරීම හරහා තෙල් මිල අඩු කළ හැකි යැයි පැවසුවත් තවමත් තෙල් මිල වැඩි බවත් අද වන විට ගොවියාට, ධීවරයාට, ව්යවසායකයාට ඉන්ධන සහනාධාරය පවා නොලැබෙන බවත් මිල සූත්රය පවා අහෝසි කරනවා කිව්වත් එය ද නොවූ බවත් විපක්ෂ නායකවරයා පැවසීය. ඉන්ධනවල බදු ඉවත් කළා නම් කොමිස් මුදල් නැති කළා නම් වරායේ ගොඩබාන ගානටම තෙල් ලැබිය යුතු වුවත් මොවුන් එදා කිව්වේ බොරු බවත් විපක්ෂ නායකවරයා වැඩිදුරටත් පැවසීය.
රු. 9000 බිල 6000 කර 33%කින් විදුලි බලය අඩු කරනවා කිව්වත් බලය ලැබුණු පසු මාස 6කට විදුලිය අඩු කළ නොහැකි බවට ප්රකාශ නිකුත් කළ අවස්ථාවේ ජනතාව මහජන උපයෝගීතා කොමිසමට පැමිණිලි කිරීමට නිසා මහජන උපයෝගීතා කොමිසම විසින් 20%කින් විදුලි බිල අඩු කරන්න යෝජනා කළ නිසා රජයට විදුලි බිල අඩු කරන්න සිදු වූ බවත් ඉදිරි 13% කවද්ද අඩු කරන්නේ කියා දැන ගැනීමට අවශ්ය බවත් විපක්ෂ නායකවරයා පැවසීය.
මේ ජනතා විමුක්ති පෙරමුණ වේදිකා ගානේ පොරොන්දු රැසක් දුන් බවත් රාජ්ය සේවක වැටුප රු.20000කින් වැඩි කර මාස 6න් 6ට වැටුප් වැඩි කරනවා කිව්වත් එය ඉටු නොවු බවත් රැකියා විරහිත උපාධිධාරීන් පවා අතරමං කර ඇති බවත් විපක්ෂ නායකවරයා පැවසීය.
ගොවියාට අද වන විට ගුණාත්මක භාවයෙන් අඩු පොහොර ලැබෙන බවත් දේපල හානි ජීවිත හානි ගංවතුර හානි වන්දි පවා ගොවියාට නොලැබුණු බවත් මේ බොරු පොරොන්දු ඉදිරිපත් කර බලාපොරොත්තු ඇති කර ඡන්දය දිනා ගෙන මේ පොරොන්දු කඩ කළ බවත් මේ රැවටිලිකාර ප්රෝඩාකාර ආණ්ඩුවට නැවත වරක් රැවටෙනවාද කියා ප්රශ්න කරන බවත් විපක්ෂ නායකවරයා වැඩිදුරටත් පැවසීය.
පරණ පච කියා රවටා දැන් අලුත් පච ලැයිස්තුවක් ඉදිරිපත් කළත් ඒවාට අයවැයෙන් පවා මුදල් වෙන් කර නැති බවත් මැතිවරණ කාලයේ ජනතාව රවටා ප්රෝඩාකාරී මැතිවරණ ව්යාපාරයක් ගෙන යන බවත් දැන් මාලිමාවේ නොවන සභාවලට ප්රතිපාදන නොදෙන බවට කියමින් යන බවත් ඒවාට බිය නොවන ලෙස ඉල්ලා සිටින බවත් විපක්ෂ නායක සජිත් ප්රේමදාස මහතා වැඩිදුරටත් පැවසීය.
