බූස්ස බන්ධනාගාරය තුළ සිට පිටතට කිසිදු දුරකථන ඇමතුමක් ගත නොහැකි අයුරින් දුරකථන ඇමතුම්වලට බාධා පමුණුවන ජෑමර් යන්ත්ර සවිකර සම්පූර්ණයෙන්ම කළුතර, වැලිකඩ, අඟුණකොළපැලැස්ස ඇතුළු රට පුරා බන්ධනාගාරවල සිටින දරුණු අපරාධකරුවන් එහි විශේෂ සිරමැදිරිවල රැඳවීම ආරම්භ කොට ඇත.
මේ අනුව අලුතින් නවීකරණය කරන ලද විශේෂ සිරමැදිරි දාහතරක රැඳවීමට බ්ලුමැන්ඩල් සංඛ, ගණේමුල්ල සංජීව, ජපන් චූටි, ඉන්දික සම්පත් (කැවුමා), ගොත අසංක, කුඩු රොෂාන්, මර්වින් ජානා, පරෙයි සුදා, උරුජුවා, පොඩි ලැසි ඇතුළු දරුණු ගණයේ ලැයිස්තුවට ඇතුළත් කළ පිරිස වෙනත් බන්ධනාගාරවල සිට එහි ගෙනවිත් තිබේ.
මෙම අධි ආරක්ෂිත බන්ධනාගාරයේ දරුණු ගණයේ අපරාධ හා මත්ද්රව්ය ජාවාරම්වලට සම්බන්ධ වූ එකසිය හතළිස් ගණනක් රැඳවීම සඳහා ආරක්ෂක අමාත්යාංශයේ උපදෙස් මත බන්ධනාගාර දෙපාර්තමේන්තුව, මත්ද්රව්ය නාශක කාර්යාංශය හා බුද්ධි සේවාවන් ඒකාබද්ධව ලැයිස්තුවක් සකස් කර තිබුණු අතර සෙසු කණ්ඩායම්ද රැඳවීමට නියමිතව ඇත.
වෙලේ සුදා, කණ්ජිපානි ඉම්රාන්, පොට්ට නවුෆර් ඇතුළු දරුණු ගණයේ මත්ද්රව්ය ජාවාරමුන් හා පාතාල නායකයන් මූලික අදියරේදීම බූස්ස බන්ධනාගාරයේ රැඳවීය.
