රට තුළ පාතාල ක්රියාකාරකම් ඉහළ යෑම සම්බන්ධයෙන් සහ ඒවා මැඬපැවැත්වීමට රජය ගෙන ඇති ක්රියාමාර්ග සම්බන්ධයෙන් ආරක්ෂක ලේකම් සම්පත් තුයියකොන්තා මහතා අදහස් පළකළා. පසුගිය 22 වැනිදා පැවැති ප්රවෘත්ති සාකච්ඡාවක් අතරතුරදී තුයියකොන්තා මහතා දැක්වූ අදහස් පහත පළවේ.
සියලු පාතාල ක්රියාකාරකම්වල වැඩිවීමක් අද පෙන්නුම් කළාට මේවායේ ඉතිහාසය ගත්තොත් එහෙම දීර්ඝකාලීනව දේශපාලන රැකවරණය සමගින් පාතාලය පෝෂණය වීමක ප්රතිඵල තමයි අපි අද දකින්නේ. ඒකට හේතුව ඉතා විස්තරාත්මකව විග්රහ කරනු ලැබුවා පොලිස්පතිතුමා සහ ලේකම්තුමා. ඒකට හේතුව හැටියට මම දකින්නේ අද වෙනකොට මේ පාතාල ක්රියාකාරකම්වලට කිසිම දේශපාලන සම්බන්ධකමක් සහ රැකවරණයක් ලැබෙන්නේ නැහැ. ඒත් එක්කම මේවාට අවශ්ය කරන නීතිමය ක්රියාමාර්ග ඉතාමත් ඉක්මනින් ලබාගෙන තියෙනවා. ඒ අනුව ක්රියාත්මක වෙන ඒ පාතාල කල්ලි විසින් ඔවුන්ගේ ඇතුළත තියෙන ගැටලු තමයි මේ එළියට එන්නේ. රජයක් හැටියට ආරක්ෂක ලේකම්වරයා හැටියට මේ තත්ත්වය දැනගෙන අපි මේ රජය පත්වුණු වහාම කිසිම අනුකූලතාවකට බැඳිලා නැතුව නිකුත් කරලා තියෙන ගිනි අවි සම්බන්ධයෙන් විගණනයක් අපි ආරම්භ කළා. ඒ අනුව අද වෙනකොට ඉතා සුළු ප්රමාණයක් (48ක් වැනි) පමණයි ඒ විගණනයට සම්බන්ධ වෙලා නැත්තේ. අනෙක් සියලු දෙනාම ඒ ගිනි අවි ආරක්ෂක අමාත්යාංශයේ බාරයට පත්කරලා තියෙනවා. ඒක ඉතා හොඳ ප්රවණතාවක්. Sri Lanka Latest News
ඒත් එක්කම නීති විරෝධී අවි නිකුත් වෙලා තියෙන්නේ මේ රජය පත්වුණාට පස්සේ නෙවෙයි. මේ සම්බන්ධයෙන් ඉතා ගැටලුසහගත තත්ත්වයන් පසුගිය වකවානුවල වෙලා තියෙනවා. ඒ අවි පිළිබඳවත් ත්රිවිධ හමුදාව විසින්ම අලුතෙන් විගණන කටයුතු ආරම්භ කරලා තියෙනවා. ඒ සම්බන්ධයෙන් අපි තොරතුරු එක්රැස් කරමින් පවතිනවා. අපිට සෑහෙන සහායක් පොලිසියෙන් ලැබෙනවා. නුදුරු අනාගතයේදීම මේ සම්බන්ධයෙන් සවිස්තරාත්මකව සොයා බලලා අවශ්ය පියවර ගන්න අපි කටයුතු කරමින් යනවා. මොකද මේවායේ තියෙන ලියකියවිලි සහ තොරතුරු ලබාගැනීම ඉතා අපහසු තත්ත්වයක තමයි තියෙන්නේ. හමුදා තුනටම අපි දැනුම් දීලා තියෙනවා මේවායේ විස්තරාත්මක තොරතුරු කඩිනමින් ලබාදෙන්න කියලා. ඒවාට අනුයුක්ත වෙලා තියෙන නිලධාරීන් දවසට පැය 10-12 තමන්ගේ රාජකාරිය කරමින් ඉතා පරිශ්රමයකින් මේ තොරතුරු එක්රැස් කරමින් ඉන්නවා. ඒ සඳහා යම් කාලයක් ගතවෙනවා. මොකද අපි නිවැරැදි තොරතුරු ලබාගන්න ඕනේ, මේවාට මොකද වුණේ කියන එක සම්බන්ධයෙන්. නමුත් මම සහතික වෙනවා මේ රජය යටතේ එවැනි කිසිම අනීතික අවි ගනුදෙනුවක් හෝ අවි ආයුධ එළියට යෑමක් වෙන්නේ නෑ කියලා.
මම හිතනවා ආරක්ෂක ලේකම්වරයා හැටියට මේක අභ්යන්තර ආරක්ෂාව පිළිබඳ ප්රශ්නයක් වුණාට, ජාතික ආරක්ෂාව පැත්තෙන් හිතනකොට අපිට වගකීමක් තියෙනවා, ආරක්ෂක ලේකම්වරයා හැටියට. බුද්ධි තොරතුරු හරහා සහ ත්රිවිධ හමුදාවේ සූදානම් වීම ඉතා ඉහළ මට්ටමක තියෙනවා. අවශ්ය ඕනෑම අවස්ථාවකදී සහාය ලබාදෙන්න ත්රිවිධ හමුදාව සූදානමින් ඉන්නවා. මම සහතික වෙනවා මේ ක්රියාකාරකම්වල වැඩිවීමක් සිදුවුණාට ඒවා ඉදිරියේදී අවම මට්ටමකට පත්කරන බවට.
මෙවැනි දේවල් කරනවා තබා කරන්න හිතන්නවත් බැරි සමාජයක් නුදුරේදීම නිර්මාණය කරන්නයි අපිට අවශ්ය. ඒ වගේම මේවාට සම්බන්ධ වෙන වෙනත් අංශ තියෙනවා. බන්ධනාගාර ප්රශ්න තියෙනවා. ඒ හැම ප්රශ්නයක්ම අපි හඳුනාගෙන තියෙනවා. ඒවාට අවශ්ය පිළියම් යොදන්නත් අපි පියවර අරගෙන තියෙනවා. ඒ අනුව, මේ වකවානුව තුළ කිසිම දේශපාලන රැකවරණයක් මොවුන්ට ලැබෙන්නේ නෑ. නියම දේශපාලන නායකත්වයක් තුළින් මොවුන්ට එරෙහිව ක්රියාකිරීම අපි ආරම්භ කරලා තියෙනවා කියන එකත් සඳහන් කරනවා.
