පසුගිය 2022-2023 වසරවලදී විදේශ විනිමය මෙරටට ඇදී ඒම ඇණහිට තිබූ අවස්ථාවේ ඇමෙරිකානු ඩොලර් 25,000ක විදේශ විනිමය මෙරටට එවනු ලබන තරුණයන්ට විදුලි වාහන ගෙන්වීමට ලබාදී තිබූ සහනය රහසිගතව ක්රියාත්මක වූ ජාවාරම්කරුවන් පිරිසකගේ ජාවාරමක් බවට පත්වී තිබුණේද යන්න ගැන රහස් පොලිසිය පරීක්ෂණ පවත්වාගෙන යයි. (Sri Lanka Latest News)
එවැනි අන්දමට විදුලියෙන් පදවන මෝටර් රථ සහ යතුරුපැදි 1,087ක් පමණ එම ජාවාරම්කරුවන් අතට පත්ව ඇද්ද යන්න ගැනද පරීක්ෂණ පවත්වන බවයි උසස් පොලිස් නිලධාරියකු සඳහන් කළේ.
මේ අතර, විදේශ සේවා නියුක්ති කාර්යාංශයේ උසස් නිලධාරියකු පැවැසුවේ විදේශ රැකියාවලට නොගිය මෙරට සිටින ජාවාරම්කරුවන් කීපදෙනකු උන්ඩියල් ක්රමයට අදාළ මුදලම විදේශගතව සිටින අයකුට යවා ඒවා ඔහු ලවා මෙරටට ගෙන්වාගෙන අදාළ සහනය විකෘති කර ඇද්ද යන්න පිළිබඳ රහසිගත තොරතුරු ලැබී ඇති බවයි.
මෙම ජාවාරම පසුපස සිටි රාජ්යතාන්ත්රික ප්රබලයා කවුරුන්ද යන්න ගැන රහස් පොලිසිය විමර්ශන පවත්වයි.
මේ අතර, රාජ්යතාන්ත්රික නොවන රැකියා ගිවිසුමක් මගින් විදේශ රැකයා වීසා ලබාදීමට ගෙන තිබූ තවත් නීති විරෝධී ක්රියාමාර්ගයක් පිළිබඳවද රහස් පොලිසිය පරීක්ෂණ පවත්වාගෙන යයි.
ප්රේමලාල් විජේරත්න
